جيت للهيـلا مسـير وابا ارد السـلام
والشكر للي وصفها وقال ادخلها
قال رح للمنتدى واستمع حلو الكلام
والـعلوم الطيبه عندهـم ماتملها

مرحبا باهل الكرم في محلات الكرام=بالنيابه عن رجال شريف دلها
انت علمك طيب مايلحقك شك وملام=والعلوم الطيبه طيبها في حلها

ماعـليـكم زود واللـي يجـيكم ما يظـام----والعلوم الطيبه جعلكم ذخر(ن)لها
يابو سليمان اباانشدك عن طير الحمام----داخل الهيلا فقدته عسى ماملها

احمد الله واشكره قسمنا شط السنام=والدروب الطايله لوتطول ندلها
داخل الهيلا حرار لها قدر ومقام=والحمامه فوق خضر الجريد افطن لها

اشهد ان البيض زينة قصورك والخيام----وبسـمة الدنـيا وريحانها مع فلـها
والرجـال الهم مقـام وتحـيه واحـترام-- --واشهد ان المنتدى ماجمعها كلها

الحرم ماتدخله غير مع باب السلام=والقضيه دون برهان يصعب حلها
ياطويل العمر لاتفطر...العالم صيام=صوم من عرض البشر والفريضه صلها

جبت فتوا بس ماهيب من عند الامام
كل بـيبان المساجـد نبي ندخلها
وفي دخول البنت للمنتدى وين الحرام
طالما المقصد نجيب الثقافه كلها