يامرحبا ترحيبةٍ تسوى ملايين ولوف=نرخص ثمنها في مواجيب النشاما والمحل
الشاوي اللي قد تكلّف بالعزيمه والضيوف= اليوم طوّى خيمته واخلا مراحه وارتحل

المشاركة الأصلية كتبت بواسطة ابراهيم الجـــــذع (المشاركة 1074312) صح السانك يا بن عاقل وصح السان سلطان مقدماً وسجلوني فالصفوف

دام البقا ياشاعرٍ توفي وبالعرف معروف = من هيض مستعبد مفاهيم اللغة بعد وقبل!!
مدري تعشى له جمل والا تعشى له خروف = اللي لقاه اكفاه يوم انه على الديرة نزل!!

احدٍ يقلّط في مقام العز والطيب مهدوف=واحدٍ على فراش الملامه والندامه والجهل
اللي توكّد لي ثلاثه من جزيلات الوصوف=ما ينعرف ويش الطلي ويش الجمل ويش العجل

المشاركة الأصلية كتبت بواسطة العمــــــدة (المشاركة 1074333) هههههه يعني اني فاهم << ما يدري وش السالفة ابن عاقل // الاسطورة صحت قلوبكم متابعين

المشاركة الأصلية كتبت بواسطة الصبر جميل (المشاركة 1074344) صحت السنكم ياشعار المحاوره وانا في صف الخصم القوي

تستاهل التشجيع ياماجد وتصفيق الكفوف = وانته على كل احتمالات القضية محتمل!!
انا بوجه مضيع السكة وقفت مع الظروف = لين انقطع دابر هل التفريق والصف اعتدل!!

انت القديم اللي تعوّد واهتوى صفق الصفوف=والا صحيبك ما يصفق له وهو شاعر فحل
المشكله فاللي تمدد للشباري والسيوف=غرّه قليل العرف جابه وانشبه وسط الوحل

خل الشكوك الله يبارك فيك لصدور الضعوف = انته ليا جتك العلوم ابرك لحملك ياجمل!!
العام ملزوم الوقوف .. اليوم ممنوع الوقوف = وصل سلامي للثقة بعد الكلام اللي وصل!!

سكان نجد اهل النقا ما يامنون اهل الهفوف=اهل الهفوف اللي تدس السم من تحت العسل
اخوك دفيته قدم للتجربه حتى تشوف=ان امّا استوت.. والا تصير بعيد عن خبط العقل

أليا بغيتك في هذاك الدرب والله لتطوف = لكن انا مااحط وسم ابوي فرقاب الهمل!!
الدم وسط المختبر وانته تعيّن وش تشوف = تقول متعافي واثر في صاحبك سبع العلل!!