تعال يالطيار علمنا عن اعلوم المطار= وعطنا علوم الكبتن اللي قال كلمه؟ وانتحر
انته معك علم وخبر قول الحقيقه ويش صار=خل العرب تقرأ الحقائق فالزمان وتعتبر

طيب طيب

يالنشمي انته كيف تسأل وانت تعمل مستشار=عند الوزير وعضو رسمي ضمن وفد المؤتمر
فـ الضفه الغربيه وغزه مطوقها الحصار=ماتو عباد الله ووصل للموت لعروق الشجر

لو اني اعمل فالوزاره كان صدرت القرار= ماقلت ويش السالفه وانت معك علم وخبر
مدري ذكــآء والا غـبـآء ياللي تزيد النار نار= اللي زعل يقظم حجر واللي رضي يشرب بحر

هبت هبوب العاصفه من قوها طار الستار= واليا طوير الدوح ماله لامنير ولامفر
تقدر تسميها ذكاء لن كان تحملها شعار=وانت بدوي تمشي مع البران وتخيل المطر

راع المثل يقول كبر النار تالع من شرار= محدن قدر يرض البشر وش لون يرضون البشر
الي ذكي ياخذ من الايام والوقت اعتبار=احسب حسابك زين قبل يدق ناقوس الخطر

لو المطوع طول اللحيه وفي وجهه وقار=الدين ماهو عند قصر الثوب واطلاق الشعر
اهل اليمين الله مفضلهم على اهل اليسار=والله قال بمحكم التنزيل كلا..لاوزر

ترى الحقيقه للعرب تظهرمثل شمس النهار= والحق ننطق كلمته ماهمنا زيد وعمر
راع العبيه نعرفه ماهو مثل راع الحمار=ياللي تقول العيد ليل العيد بين من عصر

تبا الحقيقه واضحه مال الكبار الا الكبار=والناس نوعيّنه عيال البطن وعيال الظهر
انتم وحنا ياجماعتنا خذيّنا احسن خيار=والثانيه ترجع لاهلها بالطباع وبالنظر