بسم الاله اللي رفع شان بلقيس=في محكم التنزيل ما جا مثيله
هليت قاف ن مايجي فيه تدليس=هاذي نصيحه والمعاني جليله
النفس اماره علي الشر ....وابليس=إعروق إبن ادم سكن يرعويله
والقاف سهرني وحبره هواجيس=والليل الاسود حالف انقض جديله
لا بارك الله بالوجيه المفاليس=هاذا شبيه ابليس ولا عميله
بعض البشر والناس من دون احاسيس=اهل الفلس واهل القلوب العليله
ارسل عليه ابليس حبل الوساويس=واصبح مع الشيطان داعي رذيله
اهل الرذيله والمعاصي متاعيس=وحسابهم في يوم كشف الفشيله
ياعارف المعني تخير مجاليس=كلن علي دين الجليس وخليله
اوصيك بالطيب وخل المناحيس=راعي خصايل والهروج الجزيله
وجهه يشع النور مثل الفوانيس=راعي جمايل والفعايل جميله
طيب الفعايل للرجوله مقاييس=والعاقل الفهمان دينه دليله
والخاتمه عد الهبوب النسانيس=واعداد ماتمطر سحاب المخيله
واعداد ماخط القلم بالقراطيس=علي نبي الحق راع الفضيله

المشاركة الأصلية كتبت بواسطة اصمعي عتيبه (المشاركة 1074047) ههههههههههههه مرحبابك اخوي معجب صح بدنك ياخوي اذا علمتكم وشفتو البرنامج راح تعرفوني ههههههههههههه

المشاركة الأصلية كتبت بواسطة معجب العتيبي (المشاركة 1074150) ماضن الرجال يعيبه ان الرجال تعرفه والا انا غلطان

المشاركة الأصلية كتبت بواسطة فهد علي العازمي (المشاركة 1074094) صح لساااااااانك شاعر جزل بيض الله وجهك

المشاركة الأصلية كتبت بواسطة بخيت السعد (المشاركة 1074242) اصمغي عتيبه صح السانك مبدع وصح السانك الف

المشاركة الأصلية كتبت بواسطة معلا إبراهيم الأسعدي (المشاركة 1074421) اصمغي عتيبه صح السااااااااانك على القصيده

المشاركة الأصلية كتبت بواسطة الفجـ511ـري (المشاركة 1074784) صح لسانك ياشاعرنا والله انك شاعر وابصم لك بالخمس ووافي ومايجي منك الا الزين