سلامي للعمده اللي مرنا مر الكرامي=جيت حشيم العرب نستقبله من بين الاجواد
ابيك تسهر معي لين الصبح واحذر تنامي=ياللي تجيب السوالف جيبها والناس شهاد

يا مرحيا يالمسلم مرحبــــا والدرب شامي=وسع بطان البعير اللي تسوقه وابعد الماد
حول الحما بان لاصحاب الحما جرة حرامي=وان قال الله غزوه اهل الوفا برجال واعتاد

يا عمدة الحاره الناس إتعرف واسمع كلامي=انا معي راحله ياصاحبي واطوف البلاد
ان قاله الله لا احرر شامنا واوصل مرامي=وانا معك في صفوف الاوله واثور إزناد

يا راعي الراحلة ليتك تجـــّــود فالخطامي=كم واحدن راح في رحلة سياحية ولا عاد
الرمية اللي سمعنا صوتها من دون رامي=وانا احسب اللي رماها من خلاف القوم صياد

شاعر من اعيال برقا محتزم واملي حزامي=ملي الفشق والرمي قدامنا وإنوخ عناد
واهل الكبر لو تصعر خدها دون إهتمامي=والشعر ما هو شعار الاوسمه والناس نقاد

القصة اللي مولفها لنـــا كــــــاتب درامي=ما كلفت غير جلسة فالعشية فوق براد
برق السحاب ورعوده ضيقت صدر التهامي=قال المثل فالسماء رازق وفوق الارض حساد

ياسلام ياسلام

صحت ألسنتكم

< متابع :)

جاك رمضان ومسلسلكم قدم وانته امامي=إمركب لك شوارب جامده وانته بلا زاد
اقدر احاور ثلاثه يا فتي لكن مقامي=ما يسمحلي وانا ماسامحك ان كنت معتاد

هداج معروف بالوفرة وتصدير الضوامي=والا كثير العرب يسرح ويضوي مير ما فاد
من يترك الفرض ويصلي تراويح وقيامي=تبا تطوى ثيابه ما كسب في عمره امجاد

تبى تجمع قروشك من ورا بيض النعامي=يا محتكر سوقها بيضك ترا له ناس رواد
والاصمعي بالعرب باع وشرا حد الحسامي=يوم ن ثمنها مقدر عندنا من روس الاشداد

اللي يصوغ الذهب ويعـــرف وزنه بالجرامي=ما يوصل اللي وصلّه كان توحي كل كداد
يخرج زكاته على اللي للولي صلى وصامي=والا لقوم البدع والشرك علة وسط الاكباد