|
أقرب شاعر ,,,,
السلام عليكم ورحمة الله,,,
حيا الله الجميع وكلكم شعار ونعم والله وأنا بصراحه أتمنى أني أستفيد منكم فأنتم شعار كبار وأهل الشعر أنا محمد العتيبي وبصراحه جيتكم وأقول (ما عابني سني) وأبي ألعب مع أقرب شاعر وأتمنى أستفيد منه,,,, سلام ياهل المنتدى شعار ولا من حضور وأثني سلامي يمكم زوار ومن يقرابها ياهل القوافي مرحبا والنعم فيكم ومخبور جزل القوافي يا عرب جينا لكم طلابها |
صح بدنك بدايه موفقه ومبدا كايف
استمر انا متابع كفو وانت قدها |
اصمعي عتيبه
تسلم والله وبصراحه انا من المتابعين لك قبل تسجيلي في المنتدى شاعر جزل والله وتسلم ع المتابعه تحياتي,, |
صح السانك وبدايه موفقه
|
ما عليك زرد محمد القلاع وبدايتك بدايت شاعر
وانشالله نحاورك بالجايات ابو هندي شلونك من طول الغيبات جاب الغنايم |
أبو هندي,,,
صح لسانك تحياتي لك,,, |
ما عليك زرد محمد القلاع وبدايتك بدايت شاعر
وانشالله نحاورك بالجايات ابو هندي شلونك من طول الغيبات جاب الغنايم |
مرحبا يااصمعي
ومرحبا بالشاعر المبتدي بدايه قويه |
دامه اول طاروق لك مانيب سافهك يالغالي
وستلم يامرحبا وهلين ياقرمً محلك بالصدور ياشاعرً عاف الهزيله والجزل يبدابها ياللي بديت القاف وول طرق منته بمعثور لاكن حذرى تقرب الحيه وتقرب دابها |
ابو هندي احذر هههههههههههه
|
انا ماني شاعر مبتدي
انا صحيح توني جديد في منتدي الهيلا ولا لي فتره طويله لاكن في منتديات اخري حائز علي القاب كثيره وانا عضو دوانيه شعراء النبط فئة (أ) لاتفهمني غلط مو غرور لاكن للتوضيح علي كلمت شاعر مبتدي ولا انا احترمك كل الاحترام يابو هندي ولك معزه خاصه عندي لانك متواضع يا ابو هندي |
؟؟؟؟؟؟؟؟؟؟؟؟؟؟؟؟؟؟؟؟؟
الظاهر انك فاهم غلط يااصمعي انا اقول شاعر مبتدي اقصد الشاعر محمد العتيبي اللي منزل الطاروق ومااقصدك يالغالي بس الظاهر انك استعجلة في كلامك يالسنافي |
هلا والله أبو هندي
وبيض الله وجهك,,, وأستلم,,, دام البقا بالورد والريحان مع طيب البخور يا شاعراً كل المعاني الطيبه يزهابها أسمع كلام الأصمعي واحذر معايه لا تدور خل الرديه يا صحيبي لا تجر أسبابها |
كنت اعذر اصحاب البدايه مير منته بمعذور
وكلمتك هذي يارفيق الخير ياوش جابها الاصمعي شاعر ولاكن صابه الليله غرور ورسالتي جاتك لعلك قاريً بكتابها |
صح لسانك يالقلاع وصح لسانك يابو هندي
متابع |
هلا والله يا عمدة
أبو هندي أستلم وأنا أخوك مانبي منكم عذر حنا ترى غصنا البحور تاتي على درب السباع وياكلك مخلابها الأصمعي شاعر وله أحلى تحيه بالعطور وكلمتي كلمة وفاء من شاعراً غنابها |
ياوجد حالي يامحمد كيف كثرت الكسور
والظاهر اكسورك من الضيقه وهذا اسبابها الاصمعي شاعر ونا ماقلت بالشاعر قصور مير الجمل ياصاحبي سهله وصعب اعرابها |
ياوجد حالي يا صحيبي وأنت تايه ومعثور
ما شلت همك لجل أضيق ولا تعدي بابها شاعر وله قدره وانا شاعر وناقف فـ النحور والخيمه اللي تنبي لازم تشد أطنابها |
ياسلام عليكم
صحت الألسن |
صح بدنك يالغالي
وتسلم ع المتابعه تحياتي,,, |
الظاهر انك ضقة منا ونت لك دمً يفور
ودمعة عيونك سالت الليله ومش اهدابها السالفه طالت وصارت من حدورً في حدور ولاكن ابشعلها وشب النار ياشبابها |
صح السانك يامحمد وبدايه موفقه ونا اعتذر عن اكمال الطاروق لنه اذن الفجر ولازم اروح اصلي
صح السانك وشكر المشاركين معنا |
الدم حار وللمراجل يالخوي نسل الصقور
ولا أنت دمك باردً ما يوجعك مضرابها ما تحملون أنا عليكم يالخوي نزعل نجور أحذر تشب النار ثم نقلب عليك حسابها |
ونعم والله أبو هندي
ولك كل الود والأحترام شاعر ولا فيك حيله وأتمنى لك التوفيق ومشكور ,,,, تحياتي,,, |
ههههههههههههههههههه
اشكر اخواني علي القلطه الجميله والممتازه والله انبسطت معكم وانا اقراها اول مره اشوف قلطه ثولاثيه بس بغياب الشاعر الثالث ههههههههههههه صح السنتكم |
تسلم اصمعي عتيبه
لك كل الود وعلى فكره كما قيل خالف تعرف المحاورة الثلاثيه تميزنا بها اليوم والتميز الحقيقي هو متابعتك تحياتي لك |
| الساعة الآن »08:01 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd