مرحبا ترحيبت(ن) عطـرت بازكى البخور=بالكريم اللي يحل العلوم المعضله
شاعر عتيبه بدون الشكوك اللي تثور=ما التفت للي يحاول يعيقه و جهله

مرحبابك ياعميلي وانا فيكم فخور=ياسراب اللال تبقى علم للمرجله
ياسراب اللال مشكور يوم الله شكور=والحسد واهل الحسد شلت ن متزلزله

البقى يا صاحبي عد هدّات الصقور=لا ترحب بي وانا رجل جالس مع هله
الصقر مخالبه ماهي بمثل الطيور=وانت لك بالصدر عزّ(ن) تعدّى منزلـه

بيض الله راية اللي من إطوال الشبور=عند عطران الشوارب شنبك إتفتله
ياوسيع إبطان بقو ل لك ما فالصدور=قالو ان اللي يسوي لقب مانقبله

ان مشى ما ضرته من وراه اللي تخور=وانت سبع و تفهم اللي نقوله و افعله
الله اللي رد كيد العرب وسط النحور=كل رجال(ن) يجازى بما هو يعمله

عندهم تدقيق زايد علي بعض الامور=والصغيره كبروها وسوو مشكله
مير هي محاورة نت من بين السطور=يحسبون الملعبه فرقة ن مستعمله

العقول محجره مثل تحجير الصخور=احترص يا صاحبي ف الليال المقبله
تاخذ اللولو والالماس من وسط البحور=ما حسبت حساب للي تبالك بهـذله

دارنا ما حاشها عنصريه او قصور=مير ذيك الشرذمه راسها نبـــ نقتله
انت خابر جنة المسلم اللي به فجور=مابقي فيها ولاجذع مقلوع إنخله

حاول انك تنتبه وانت رجال(ن) صبور=وانت مركز للشعر صاير(ن) مستقبله
خل من خلفك يشور و يفتش فالقبور=وانت شاعر تنقض البيت وايضاً تفتله

كلي ما مريت ديره بنيت لي قصور=والقصور اجواد و وجيههم متهلهله
ياسراب اللال ودي معك وجبت سحور=بارك الله في إرمضان وعساك إتحصله