سلام تسليم الرجال وينصرف عند الرجال =صرف الذهب والعمله الصعبه بوسط بنوكها
ياللي تحسب المرجله غتره وتنكيسة عقال=شبه الجزيره ماتضيق بشعبها وملوكها

المشاركة الأصلية كتبت بواسطة فكاك النشب (المشاركة 1073344) سلام تسليم الرجال وينصرف عند الرجال =صرف الذهب والعمله الصعبه بوسط بنوكها ياللي تحسب المرجله غتره وتنكيسة عقال=شبه الجزيره ماتضيق بشعبها وملوكها

يامرحبابك يالمسلم كثر راسيت الجبال=هذي تراحيب النشاما قدم عينك دوكها
العرف اساس المعرفه والشر في روح وتعال=والناس خالطها وتعرف طبعها وسلوكها

دام البقا وانته تشبه بالجمل ولا الجمال=اللي شواهد وسمها في كتوفها ووروكها
الرجل لامنه ظهر بسمه على اقل احتمال=يكسب نفوس الناس حتى انه يزيل شكوكها

ماحب آخوض في دعوى لاهي حرام ولاحلال=الارض يافكاك نعرف وردها من شوكها
بعض العرب لوظاهرن باسمه ترى ماله مجال=الا معا دوّاجها ولا معا صعلوكها

يوم ازهمك ماني بواحد من جماهير الهلال =جرب الجمال ان طعت شوري خلها في شبوكها
لاصرت لاقاضي لزوم ولا تفيد بكل حال =جعل الذياب السحم راسك طعم تحت فكوكها