تعال يا الناشي وانا خابر ولد عالي رشيد=الشاعر اللي لا وقف للقوم مس اشعورها
اليا عرفت اهدافها يمكن تفيد وتستفيد=واليا غفلتوا يا عساكم ما تجون اسبورها

يامرحباا يابراهـــيم

ناري ليا شبيتها منها يذوب اقوى الحديد=وبعض العرب لو شب ناره ما تفوح اقدورها
أنا تراني خابرك بالعند يا الشاعر عنيد=والجن تحرقها مرابيع النجوم ابنورها

المشاركة الأصلية كتبت بواسطة طلال ناشي (المشاركة 1075854) يامرحباا يابراهـــيم أنته تحسبن البشر جذعان لايمكن تزيد = روس الرجال أليا وصلها الدور تحما دورها أن كان قصدك تحتزمبي روح وحزامك جويد = ونجيتني محدي حداك الله على ميسورها

نارك ليا شبيتها ماهيب نار ابن رشيد = والناس يابراهيم لاتشقى بغيب أصدورها
المشكله لن كان جبت العيد فاليوم السعيد = وراحت كبار القوم فالحله ظحيا أبزورها

تقولها لكن ليا شبت تبا تطلب وازيد=وإن كان ما تدرون يا قوم المهار اظهورها
ليتك تعيد الذاكره لحظات والعلم الأكيد=اليا رمينا القوم بالشلفا نصيب انحورها

ياربعنا الزربان ترديد السوالف مايفيد = خلق الله أدرى تحت ميلات الدهر بمورها
لوني أعيد النظر تطلع عتيبي من بعيد = ماعاد أردك غير من تيما وبيض اقصورها

أن كان صابك تالي الأيام مجنونة عبيد=اركد بعد جا للجروح المزمنه دكتورها
او أني أعيد النظر تطلع من الديره وحيد=وتروح لك في ديرةٍ منهيها ما مورها

منت أبمحصل ياوليد الناس منا ماتريد = والملعبه يحكم على شعارها جمهورها
من كشب شد وعلم الجذعان ينوون الشديد = حنا طروش القوم مانقبل بقايا سورها

يا التاجر اللي هابطٍ لـ السوق ما عندك رصيد=حرام بعض الناس قدمي ما تطير اطيورها
خل الحصاني كانها فالوقت ما تقدر تصيد=جنب الذياب الشهب تذرح والغنايم جورها

وش عاد باقي ثم تفهم فيه يالقلب البليد = ياليت عميان العيون أتسد فيها عورها
أنته بعد مالله رزقك أبوسطنا ثوبٍ جديد = تحمد الله قبل سمحه مانوطي كورها

أن كان هذا عرفكم يا جعل عرفك ما يعيد=عود وتلقالك جنايز ممرحه بقبورها
الله رزقنا بالبرا المردود بالباس الشديد=وإلا حمام الدور نعرفها ونعرف دورها

صح ألسااااااااانك يابراهيم


وختامها مسك


تقبل تحياتي

صح بدنك يالعمده

وشرفتنا بمرورك الكريم

أتلاه أطيب من أوله طال عمرك

تحياتي