من عين الشاعر اللي كل غبه يغوص=بعض الآوادم تشب النار من نارها
اليا حضرنا المواقف ما تعدا اللصوص=والطايره ما تطير إلا بطيارها

ياشاعرن ماتنقا غير زين النصوص = تفهم صغار العلوم وتفهم كبارها
انا وصلتك وعن درب السنع لاتحوص = هات السوالف ولاتطلع عن اخيارها

بعض الاوادم يدس الراس مثل القلوص=لكن حنا صقور الدار وحرارها
الصيد ما دوره غير الرجال القنوص=والرجل يعرف هدف بندقه وعيارها

ياصاحبي خذ كلام(ن) عام مابه خصوص = سود الليالي تراها واجد اخطارها
حنا على اللي يزود انزود مامن نقوص = واهل المواجيب ماننقص لمقدارها

اللي لخصكم بعينه لو ما هو لخوص=اظن بعض الاوادم يعمي ابصارها
ان كان حصتك ما هي من كبار الحصوص=اذهن جمال الرحل تطحنك بزوارها

المشاركة الأصلية كتبت بواسطة ورقان (المشاركة 1071104) الصيـد مـا دوره غيـر الرجـال القنـوص!!! توضيف يحسب عليك؟ عموما صح السنكم وابدانكم وانا في صفكم :)

ياللي نظرك ان بدالك شي يبقى شخوص = ورقان بين لك الغلطه بمنظارها
وراك ياصاحبي جبت الكلام مخبوص = احداك يم اليمين ورحت ليسارها

اعرف طيور الهوى واعرف طيور القفوص=واعرف جميع السلع فالسوق واسعارها
يا صاحبي لا تضيع فالخرز والفصوص=ما يطلع اللولؤ الا بطن محارها

اعرف طيور الهوى واعرف طيور القفوص=واعرف جميع السلع فالسوق واسعارها
يا صاحبي لا تضيع فالخرز والفصوص=ما يطلع اللولؤ الا بطن محارها

الماء يزيد الحجر قوه بعكس الجصوص = اللي لاجاها المطر حتت من اجدارها
راجع حسابك وانا خابرك رجل (ن) بخوص = لاتجعل الناس صوبك تلفت انظارها

لا تحسبنك غفصت القوم وانت مغفوص=والمعركه من قعيدتها و سبارها
منته مخلص ديون ولاش منها خلوص=مادام جاتك علومٍ منت بيطارها

اذهن لرجلك لاتقرب حول صل (ن) قروص = وتحط في حفرة (ن) مامات حفارها
كنت احسب انك بطل واثرك رجل(ن)ملوص = بدل بعيشتك هذي عيشة (ن) غارها

ترى بليس العور يطرب لرقص الرقوص=والداب مات وبليس ادياركم زارها
انت تحملت حملٍٍ بينته الفحوص=لكن شاور رجالاً ينفعك شارها

مادام فيك انحراف وضاري (ن) بالرصوص = بنرصك الرصه اللي تشكي اضرارها
كنت احسب انك فرخ شيهان واثرك صوص = يابلشت الناس بالعاره وعيارها

العرن مايفرصه ياكود فرص الفروص=ما ثبت اللوحه الا راس مسمارها
من يوم راحت علوم ارباع مدري نصوص=لا عاد تنطح رجالاً طالت اشبارها

مادام لوحتك مخروقه وعشتك خوص = الله يخلف على بدلتك وزرارها
كنت احسب انك على جزل المعاني حروص = واثرك حطاب ليل وخاب مشوارها

لا تحسب ان السوالف مثل خرص الخروص=لا تنظرون العلوم بغير منظارها
اليا حضرنا المعارك خصمنا ما يفوص=حنا حكمنا القوافي دون معذارها

المشاركة الأصلية كتبت بواسطة خوي السعد (المشاركة 1071389) ابشر بالعوض يابرق الحيا اهم شي انك شرفتنا