ودي العب وغني كل قافٍ يهيض=عقب ما لاح برقٍ فالمخايل وناض
كل دكتور يعرف وش علاج المريض=مير فكو هل الطايف على اهل الرياض

اسر ليلك وعن راس الجبل لا تريض=من تـــريض قعد في مركز الانخفاض
لو دواجن فقيه من الحرارة تبيض=ما طلع بينهـــــا من يحسن الانقضاض

قلت واقول يالعمده بخطٍ عريض=من يقول البحر من كثرة الغرف غاض
من يحسبون برد اشباط ملهاب قيض=جعلهم ياعميل الخير للانقراض

ما ل/ شيبوب ميقافً لوجهه يبيض=مير عنتر مواقيفه طوالً عراض
فالسعة كان عما فوق صدره يفيض=من يلومه لو انه نط وسط الحياض

لا تحسبون مزن الغيث مثل النفيض=قدمه السيل عارم عم كل الفياض
ان كوينا كوينا الخصم كياَ نجيض=لين يونس بعد ما يكسر العضم شاض

ابراهيم الجذع

العمده


صحت ألسنتكم طاروق لولبي لولا أنقطاعه


تحياتي