بسم الله الرحمن الرحيم

هذه القصيدة قالها الشاعر / هاجد بن غازي العتيبي . في عمه / جند بن متعب بن شمسي .

رحمه الله.. عند مروره بطريق ( مرآة ) فتذكر عندما كان يذهب مع هذا الطريق لزيارة عمه

فقال هذه القصيدة :[/color]

ياليت الخطوط اللي تجي ماتمر(مرآه) = علشان مذكر يوم كنانجي معها
لامني ذكرت الي تحط الشحـــم يمـناه =تقولن روحي بين الاضلاع نازعها
تقولن صدري كـن جمــر الغضـى يصـلاه = ولي عبرةٍ ماغير تزهم وارجعها
انا كيف ابنسى واحدن لو بغيت انساه =اتخيل وصوفه والمشاعـر تطلعها
يابيض العذارا كان جبتن مثل شـرواه =عز الله يبى يخاوى الذيابه ويشبعها
وعز الله ماهوب يصك بابه عن اللي جـاه =وعن اسعارها ماهوب ينشد مبيعها
وعز الله هـو اللي يكــرم الضيف لانصاه =إله عادتن على المراجل مطبعها
عرف بالكرم والطيب والمعرفه والجاه =طبيعه من الله فيه ماهوب صانعها
وعز الله هو اللي يصخر القاف لاغنـــاه =هو اللي جزيلات المعاني يطوعها
وعز الله هو اللي يصرم الرأي لاعطـــاه =ليا كثرة الاشوار يخلف روابعها
لامــني تخيلتـه متكـي علـى مركـاه =غدتبي هواجيسن بعادن مرامعها
تسابق دموع العين ثم قلت واعـــزاه =معاداش غير اللي هروجه يجمعها
يابعد المسافه بينه وبينهم بعــداه =لون كل ناسن عندها من يشجعها
ماظني حدن مثله ولابــادين مبـــداه =صعيبه مطاليع الحرار ومواقعها
ياكم طيبن سود الليال اقلعت مــداه =لون الامور بكيفنا مانطاوعهــا
ولون الزمن ينسام بالمال وإلاالجـاه =لحقت العصور الاوله لين ارجعها
هذي عادت الايام ياقسيهـا قسيــــاه =تحد الرجال الطيبه لين تقلعها
وجوبن علينا ماكتب ربـنا نرضــــاه =وبالصبر نهدي نفوسنا لين نقنعها
وانا اقول ياربي عسى جنتـك مثــواه =لعل الجنان الخضر ينزل مراتعها
وتمت وصلى الله على أفــضل عباد اللـه =عدد مايبين من النجوم ومطالعها

وقال في عمه ايضاً :

الله يرحم جند رحمة واسعه ويسكنه فسيح جناته


ويسلمك ياراكد على النقل



وصح لسان ابو متعب الله يسلمه ويعطيه العافيه شاعر فحل