المنتدى كان احضروا شعاره أنا نويت ابكل شاعر نيه=واليا لقينا حاكم الغنامي واحد من الأثنين يطلع برا
عندي علاج العالم المكاره واعلاجنا فالوقت مابه زيه=كيه على الغارب بميسم حامي واحد من الأثنين يطلع برا

الله صح السانك

متابع

وصح السان قبيلك مقدماً

قدام لايشعم صحيبي ناره يحسب حساب الطلقه الناريه =ان كان شفته فالبلد قدامي واحد من الاثنين يطلع برا
ليت الطبيب عيادته في داره كان العرب من بعضها محميه =واليا لقينا بالخشوم عرامي واحد من الاثنين يطلع برا

الذيب ما يرما ولا هو شاره يا اللي تبا ترميه وأنت اضحيه=رميك على راسك يا هذا الرامي واحد من الأثنين يطلع برا
ترا الوزير اليا دخل بوزاره كنه وزير اوزارة الماليه=ومن الذهب يعطيك ربع اجرامي واحد من الأثنين يطلع برا

الذيب قامت عجته وغباره ماقدمه الا ديرة الشاويه =والله يابن عساف ماينلامي واحد من الاثنين يطلع برا
من البحر وش تجذب السناره وانته خذيت سلوكها عاريه=ان ماقدرت تعوم يالعوامي واحد من الاثنين يطلع برا

تبا يمين الدار والا يساره ما فيه لا رحمه ولا ماويه=لا بد ما تشتالك الألغامي واحد من الأثنين يطلع برا
حاكم بعد ما جاه منا غاره لقيت في جنب الولد جنبيه=يقول هذي كان صار ازحامي واحد من الأثنين يطلع برا

ابا اخذ علوم الجذع واخباره واهم شيء احواله الجويه =انا على شرواه جايع ضامي واحد من الاثنين يطلع برا
فاخر زمان الجار يذي جاره شدت طميه واتركت ماريه =وان كمل ابراهيم معنا عامي واحد من الاثنين يطلع برا

اليا حضرت السوق من تجاره وأن شبت النيران ناري حيه=وين أنت عن ما قاله المقدامي واحد من الأثنين يطلع برا
وش قربك للكهرب وتياره ترا طميه صار فيها هيه=وكم واحدٍ منها طلع منظامي واحد من الأثنين يطلع برا

حاضر يابن عساف مير اسعاره تلوي يديك وتندحر جبريه =ماكل سلعه جالها سوامي واحد من الاثنين يطلع برا
البن مايصلح بدون بهاره حتى نزين طبخة البريه = قطف اليمن ماهو قطاف الشامي واحد من الاثنين يطلع برا

يدك على الكيبورد والا الفاره ما تاصل الخيال والرجليه=تراك منته بندر القسامي واحد من الاثنين يطلع برا
اللي يبا يرمي يحفظ اعياره والا يكب ام الفشق موليه=هذا كلام مفسر الأحلامي واحد من الاثنين يطلع برا

اذكرك لاتابعت باب الحاره هذاه ابو نايف وهذا اوخيه =بندر عطاوي من عيال اعمامي واحد من الاثنين يطلع برا
تراك من تحت البعير وزاره يطحنك طحن من اول القافيه =حسبي عليك اللي جرحت صيامي واحد من الاثنين يطلع برا

وأنا اذكرك لا مروا المراره ما تعرف إلا الدرب روحه جيه=والخشمه من أخلافه اله اخزامي واحد من الأثنين يطلع برا
ترا عظامك ما لها جباره والدلو طاح بجمة المطويه=احوار وامه ما هي بمريامي واحد من الأثنين يطلع برا

الدرب واحد ماش دربٍ غاره ياصل عبيل الراغ والراغيه =ومع ايمنه نبت البراري زامي واحد من الاثنين يطلع برا
مرحوم عودٍ ماقضيت بثاره ثنتين فالوسطى وفالغربيه=شكرك على ذخيرتي وحزامي واحد من الاثنين يطلع برا

اللوح ما يثبت بلا مسماره رقيت حاكم وصرخت جنيه=ابراهيم فعله حطم الاصنامي واحد من الأثنين يطلع برا
رد البرا حنا رفعنا شعاره يوم أنت لا هذي ولا هذيه=حنا طوال القوم يا الأقزامي واحد من الأثنين يطلع برا

اللوح صلّح سلعته نجارة حسنه وجاته من وراها سيه =يبيه مفتي مير صار اعلامي واحد من الاثنين يطلع برا
يابن الحلال الله يكثر خاره ترى سواته عندنا عاديه =الكايدة شرب الدلال شمامي واحد من الاثنين يطلع برا

دنياك وايامك ترا دواره يا اللي تعيش احلامك الورديه=يا طامي اللي جاك سيلاً طامي واحد من الأثنين يطلع برا
ما اقبح من افعاله يا كود اعذاره لكن غط الراس بالطاقيه=تبا تغطي لك فعول اجسامي واحد من الأثنين يطلع برا