من هاجسي والهاجس احساس وشعور=سلام للي يعشقون السلامي
سعد (عصيمي)مير ماهو بمستور=حتى يمر ولايرد السلامي

من هاجس اللي ياقف ويحتمى الدور=يامرحبا والله يحييك أمامي
حقك علي ان كان خاطرك مكسور=تبشر بتسليمة من أقصى الحزامي

الله يعينك يالعصيمي على الجور=يبا يجيك الصبح والرمي حامي
علام صدرك قام من هرجي يفور=انته عصيمي والعصيمي تهامي

منه لحين الصبح قد طارت طيور=قبل الصباح اهجدك هجد النيامي
بلاك تشره وانت غادي و مطيور=كنك خويي من ثلاثين عامي!!

منه يالين الصبح حضرتك محشور=واللي يعاندي ماهو لرحامي
اثرك ناقص عرف وقصيَر شبور=تسليمتك ماهي بغايت مرامي

كانك جمل للحمل تبرك على الزور=ضرب العصاء منها تلين العظامي
الليل راح وضبعة الوادي تدور=اليا سمعت من خلفها رمي رامي

الضلع مايهتز لو ينطح ثور=والطق ياعصيمي يفك اللحامي
ضباع وادي عصيل ماتاكل نمور=ياللي تصومها بشهر الصيامي

على مجارى الهرج ماني بمجبور=انت ابن عمي يالعين الرسامي