علّموا مرزوق , يبطي عظم ما يقضي عليّة = لو يجمّع كلّ شعــّـار الجزيرة والجماعة
فارحٍ بأكل السنام اللي على ظهر المطيّة=ما درى إنّ اللي عطاه الرّزق معطينا القناعة

علموا وصل العطياني نوينا له بنيّه = لا يحال يظهر القوّه ويزعم بالشجاعه
اعرف انه شاعرٍ لكن ماله مقدريّه = واجب اني لاومرته قال لي سمعاً وطاعه

وصل ومرزوق..
وش بكم وقفتوا..
المتابعين واجد..
ولاهو من حقكم يامبدعين..
يامرزوق لازلت فالمقدمه..
ادهن سيور العطياني..
تحياتي

الحقايق ترجمت ميقافنا يابو عطيّه = ماعليّه من كلامك دامني خلف الاذاعه
قدمك الميدان والايام تثبت لك ..وليّه = لن كتبها الله عليك الكون ليضيق اتساعه

المشاركة الأصلية كتبت بواسطة طلال الثعلي وصل ومرزوق.. وش بكم وقفتوا.. المتابعين واجد.. ولاهو من حقكم يامبدعين.. يامرزوق لازلت فالمقدمه.. ادهن سيور العطياني.. تحياتي

هايف الروقي مدير المنتدى منت بحليّه = منت ريس فالبنوك ولا مديرا ً فالزراعه
علتك ياصاحبي من بين جنبينك خفيّه = مايعالجها الطبيب ولا تظهرها الاشاعه

انت ويش اللي جنيته غير مشيك بالاذيّه = درّسك من تستمع له لين ضيّعك بضياعه
ياوصل بعطيك فرصه دام للاخوّه بقيه = تعتذر وتحب راسي ثم احصل لك شفاعه

لاتحسب انك بعد تحقيق شهره عالميه = مركبك فالبحر مابه واحد ٍ يطرح شراعه
انت سيفك في جفيره وفقدتك البندقيه = والجواد اللي تحت رجليك ناخذها قلاعه