سلام مني للرجال اللي تغلق فالزوم=في حزت الشده تبين فعلها من قدها
والسوق بيع مشترى وحدٍ شرى وحدٍ يسوم=والغاليه كلٍ يباها والفلوس اتحدها

يا مرحبا ترحيبةٍ تبدي مثل مبدا النجوم=الصاع يجزي صاعها والمد يجزي مدها
حنا نبيع ونشتري في كل ليل وكل يوم=ومن لا يوقف دونها خله يوقف سدها

النفيعي

الجذع

ابداع واصلوا

دام البقا باللي يرحب من قويين العزوم=يكرم ويمناه الكريمه مدها ويشدها
اتبيع في سوق الذهب والافي جده والجموم=عد العلوم وهاتها والا لغيري ودها

ياذيب تقنب مير ذيبك لو قنب دك الرجوم=لكن خلك والعوارف ما تبيح سدها
اللي عرف طبع الشلاوى عارفٍ طبع البقوم=وأن طب في سوق الغلا تجار تلقا ندها

سرحان محدٍ منكره ياللي تحلم بالحلوم=والعارفه معروف عند الناس يعرف بالدها
ومن يحسب أنه منتصر ينغر ويصير مهزوم=لاتحسب أنك يالجذع فارس عجزت اتصدها

القوم من فعلي تصير اصحاب والأصحاب قوم=وأنت مخير بين مزح القوم والا جدها
وأن كان حطيناه ما بين المغادر والقدوم=بنت الهوى ما اعدك إلا شامةٍ في خدها

الظاهر أنك صرت أبو زيد الهلالي غير شوم=بعض السوالف ماتنومس من يجيك ايعدها
وبنت الهوى خير من اللي طاح وازرى لا يقوم=واللي عجز يبني عماره مستحيل يهدها

لا تحسب الدعوى عوافي والعوافي ما تدوم=وضعك طبيعي لا تشد اعصاب نفسك هدها
اقول يا ليتك تريح يا النفيعي ومخدوم=حنا نضد القوم والحنشل ونلعن جدها

اللي مدح نفسه تراه يقول قرم (ا)من القروم=والله عليم بسر عبده يعلم اللي ردها
تحمد الله ياجـودي مادامت أمن ومحكوم=لا تتعب أنته نفسك القشرا استريح وغدها

عود ودافع عقب ما حنا تولين الهجوم=هذي حقيقه قلتها لو العرب ما ودها
ان طالت الدعوى ترا فالناس معطى ومحروم=لابدها لو يختلف منطوقها لابدها