غابت نجوم وبانت نجوم عرض السما والجو صافي=اليوم ذا من بد الايام غابت نجوم وبانت نجوم
ما عاد فيها حبة خشوم ما دامت الدنيا عوافي=الليل يا مفسرت الاحلام ما عاد فيها حبة خشوم

الفرس يابراهيم والروم في حربهم سمٍّ ذعافي = واليا نويت الحرب قدام الفرس يابراهيم والروم!!
ماذقت من دنياك مطعوم حتى تبيّح فالخوافي = وان رحت مع ذعذاع الانسام ماذقت من دنياك مطعوم!!

تلقا مصيرك شيء محتوم أن كان سلينا الرهافي=واليا بغيتوا نار والغام تلقا مصيرك شيء محتوم
يا العازمي مقسوم مقسوم جيتك بعد غنيت قافي=بسلاح ما هو شغل الاروام يا العازمي مقسوم مقسوم

ياطير ياللي تكسر الحوم اطراف من ريشك خفافي = مانته بطيرٍ للعشا حام ياطير ياللي تكسر الحوم!!
مانعرف الا فارس القوم اللي يمد المد وافي = والعين ماتشقى بالاقزام مانعرف الا فارس القوم !!

حنا نعرف الحر والبوم طموحك وهرجك خرافي=رقمك ثنينه بين الأرقام حنا نعرف الحر والبوم
مفهوم والا غير مفهوم ما جا بدرب السيل سافي=لا تعترض لريل صدام مفهوم والا غير مفهوم

لو نلحق العيّاله اللوم كلٍّ طلب رقم المطافي = واهوايتي في لطم الاخصام لو نلحق العيّاله اللوم !!
ابن محيا يعرف التوم اللي حمو حمّ الشعافي = واليوم ضافي دين الاسلام وابن محيا يعرف التوم !!

يبا يروح لحم مفروم في رف من بين ارفافي=إن كان ما يبصم بالأبهام يبا يروح لحم مفروم
منته بخالق شيء معدوم تحمل ثقال مع الخفافي=لكن يا عباد الأصنام منته بخالق شيء معدوم

المشاركة الأصلية كتبت بواسطة سـعـد الـعـصـيـمـي (المشاركة 1058489) الله الله متميز يابراهيم من أول طاروق صح لسانك ولسان ابو طلال

بالله وش عندك من علوم مادام جريت القوافي = من طاول اطول منه منضام بالله وش عندك من علوم !!
السلعه اللي تنقص السوم امشي واوطّيها خلافي = من عادتي مانظر فالاقدام السلعه اللي تنقص السوم

المشاركة الأصلية كتبت بواسطة ابراهيم الجـــــذع (المشاركة 1058515) صح بدنك يا العازمي وعدل البيت الأول بصراحه العازمي احد أفضل الشعراء اللي قابلتهم من خلال النت بيض الله وجهك يا ابو طلال تشرفت بالعب معاك