يالاصعر غير اسمك مايجوز الاسم يارجال = ليا من قيل الاصعر قالوا خدوده يصعرها
عليك الله بكرة فالصباح تراجع الاحوال = والى من جيتهم قول البطاقة جيت اغيرها

انا اسمي ما يعيّب ,,, وانت مانت بعالي المنزال=كثير من العرب يعمى بصرها مع بصايرها
ابا اضيفك معي وتصير عندي مثل راس المال=وبعدينه تقلل في علومك ماتكثرها

انا مااطلب شهادة جاهل المخراج والمدخال = والاصعر يعني يناظر عباد الله ويحقرها
والا ياللي تقدم لي بيالة قدم الفنجال = قبل لالوي يمينك من ورى ظهرك واكسرها

(( ميئة عاقل نقابلّه ,,, ولا واحد من الجهال ))=لكن انضر عليها نضرة تجرح مشاعرها
لون اسمك مسجّل في بيان اسماء هل الافعال=نقدر لحيتك ,, مثل الرجال اللي نقدرها

تزول جبال فوق الارض والا الطبع ماينزال = لكن ماني مقاشر ناس ماتسوى نقاشرها
مشاريهي على الطيب ولاالحقها ردي الخال = القي كلمته صلف الهبايب ثم ابعثرها

تمثّل وانته اللي تنطبق ,, في شخصك الامثال=طبيعتك القديمه باقيه والكل خابرها
كلام الحق قلته ماحسبت ل/شرهة الانذال=حقيقه والحقيقه ماتجي الاّ من مصادرها