الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   من يرغب الرد فليتقدم (http://www.otaibah.net/m/showthread.php?t=11119)

علي فلاح العضياني 04-Feb-2005 06:49 PM
من يرغب الرد فليتقدم
 
سلام رديتن تمشي على معنى وميزان
ماتخطي الدرب وتذب الخلا والليل ساري
اللي يبا الملعبه للملعبه فالشعر ميدان
والتاجر ايميل في سوق الغلا والليل ساري

مرزوق حمدان العتيبي 05-Feb-2005 02:48 PM
الاخ الفالح
مرحبا فيك تراحيب المطر
طاروق ينبي عن موهبه شعريه غير عاديه
والله اني شايف ٍ وسيمتك اول مانزلتها لكن تمنيت
احد من الشعراء يتفضل بالرد عليك لكي نستمتع بالمتابعه
ولكن للاسف لم يحصل ماتمنيته :)
واسفين على التقصير والتأخير واستلم طال عمرك..

رديّة ٍ مرحبابك عد ما .. دارن الازمان = وانته جدير ٍ نردد لك هلا ..والليل ساري
اللي يبا الطيبه ما يحسب احساب ٍ للاثمان = والمر ياصاحبي عكس الحلا.. والليل ساري

علي فلاح العضياني 05-Feb-2005 05:17 PM
تحيا وتبقى يامرزوق ودوبك علي انا ماني برشيد الزلامي ولا حياة المسعودي
واستلم
دام البقايالعتيبي والعلوم اجزال وسمان . . . هيا وعطني علومك ..من ... إلى ..والليل ساري
والدرس لازم يجيله ياطويل العمر عنوان. . . في منتداكم جموع من الملا والليل ساري

مرزوق حمدان العتيبي 05-Feb-2005 06:27 PM
..
يارجال ماعليك اقصور :)
خلووووووووها

مادام هذي بداية هرجتك يالذيب سرحان = لا قلت الاول ما قلنا لك ولا .. والليل ساري
النار ماتشتعل يا صاحبي من غير دخان = بعض الملا في ضمايرها بلا ..والليل ساري

علي فلاح العضياني 05-Feb-2005 11:00 PM
صح لسانك واستلم
انا اشهد ان البيوت ام الذرى ترفع بعمدان ... والدلو يجذب ليا صار امتلا والليل ساري
وجدي على وقت ابن غانم وابن حثلين راكان... اللي يتوقون دايم للعلا والليل ساري

مرزوق حمدان العتيبي 05-Feb-2005 11:27 PM
صح بدنك و ياسلام عليك..
استلم ..
هذي حقيقه وقد قال المثل للطيب سلطان = يدوم سلطانها ولاّ فلا .. والليل ساري
كثر التوجد ترى يفتح على صحتك بيبان = خلك بحاضرك وانس اللي خلا .. والليل ساري

علي فلاح العضياني 06-Feb-2005 12:00 AM
صحححححح لسانك وبيض الله وجهك واستلم
حنا نقول الحقايق والحقايق نورها بان . . . والليل من نورها ساع انجلا والليل ساري
بعض العرب ما استطيع اقول لك في صورة انسان... هذاك ماني بوياه عملا والليل ساري

مرزوق حمدان العتيبي 06-Feb-2005 12:19 AM
...
الله الله

ومن قال يصح بدنه..

يمكن تحل القضيه لو معك خاتم سليمان = اناولك وانت تطلعها جلا .. والليل ساري
تبغى الصحيح الله يجيب المطر والخير يافلان = ويزيد في قلب كارهك الغلا .. والليل ساري

صـويب الرمـــش* 06-Feb-2005 02:20 AM
عاشوا عيال الهيلاااااااااااااااا

علي فلاح العضياني 06-Feb-2005 04:44 PM
مشكور ياصويب الرمش على المرور
واستلم يابو رزق
انا عتيبي وإلي ماقف مع اعتيبه و إلي شان ... وابوي ثعلي ومن روس ثعلا والليل ساري
لا هنت واللي يعود للطريق الزين لا هان ... والناس قامت تغني . يالللا . والليل ساري

مرزوق حمدان العتيبي 06-Feb-2005 05:07 PM
والله ومليون نعم يابن ثعلي وان كانك تعرف
مشهور ابو عمار سلم لي عليه سلام ٍ كثير.. :)

واستلم ياغالي..

انته وانا بالملاقا في نهار الهوش شجعان = مثل العطاوي واخوه ابا العلا .. والليل ساري
لكن دنياك هذي خلت الفهمان حيران = وش حيلتك فالليال الحمّلا .. والليل ساري

أحمد المالكي 06-Feb-2005 06:02 PM
ماشاء الله تبارك الله

قاف وعلوم غانمه ياصبيان الهيلا

وابشركم

بالصدفه التقيت بالاخ الفالح في احدى الاماكن

وعز الله ان معرفة الرجال شرواه وشرواكم مكسب عظيييم


واصلوا واحنا متابعين

علي فلاح العضياني 06-Feb-2005 06:05 PM
ماعليك زود فالكلام اللي تقوله ومشهور ولد عمي الموالي وخالي لزم وسلامك ياصل
وختامها ياعتيبي بيننا مسكٍ وريحان ... مشكور ياصاحبي ومجملا والليل ساري

مرزوق حمدان العتيبي 06-Feb-2005 06:15 PM
...

الاخ الغالي صويب الرمش
بيض الله وجهك وشرفنا حضورك..

الشاعر القدير احمد المالكي
هلابك والحمدلله على سلامتك وين الغيبات يارجل..
والاخ الفالح من روس رياجيل والعلم الغانم ماهوب غريب لاعليه ولاعليك..
الود كله لك ياغالي...

علي فلاح العضياني 06-Feb-2005 06:15 PM
حياك الله يالاخ الشاعر احمد المالكي ولقاءك ومعرفتك شرف كبير لنا ووجودك في هذا المنتدى شرف لاعضاء المنتدى كافه ولانستغني عن مشاركاتك الثمينه كما تعودنا
وتقبل تحيات اخوك الفالح

مرزوق حمدان العتيبي 06-Feb-2005 06:17 PM
الشاعر القدير

الفالح صح لسانك مليون
والله لا يهينك عل هالابداع
تقبل اصدق الود ...
والى لقاء اخر..


الساعة الآن »11:43 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd