سلام ياهل العرف والطيب والجاه = أغلا من جنيه الذهب والريالي
دن الرعد والسيل يجري بمجراه = وكل(ن) يخيل البرق وسط الخيالي

المشاركة الأصلية كتبت بواسطة مشهور الحربي (المشاركة 1056140) سلام ياهل العرف والطيب والجاه = أغلا من جنيه الذهب والريالي دن الرعد والسيل يجري بمجراه = وكل(ن) يخيل البرق وسط الخيالي

حياك يامشهور والعلم عطناه = في منتدى ربعي كرام السبالي
عسى الخيال اللي تزبر وخلناه = يمطر على الزراع واهل الحلالي

يدوم البقا والرجل تحمد سجاياه = والصرح شامخ فوق روس الجبالي
لاتنزل الوادي ترى السيل مخطاه= يصفق كما موج البحر كل جالي

أحيان مايمديك تشرد وتبراه = لكن ّ ناد وقول ياذا الجلالي
صاحبك مايخطي ضريبه بمرماه= اما نصيب الكبد والاّ الطحالي

المشاركة الأصلية كتبت بواسطة مشهور الحربي (المشاركة 1056179) أحيان مايمديك تشرد وتبراه = لكن ّ ناد وقول ياذا الجلالي صاحبك مايخطي ضريبه بمرماه= اما نصيب الكبد والاّ الطحالي

ياليت هالحربي يعدل بممشاه = من قبل لطرح غترته والعقالي
ياصاحبي مشهور والله والله = ترى الفتح ماهوب ند الهلالي

لاتلمس عقالي ترى النار تقفاه = وأحيه ما تنفعك يبن الحلالي
الضلع دونك كان تقدر وترقاه = مير انتبه دابه وسود الليالي