الليل يالعمده وانا وياك فالميدان=حاضر بحاضر ما نحب الحش والغيبه
الي زمان اصد ما ابغا اقاشر العميان=معزه الـ /نفسي وقدر لربعي عتيبه

المشاركة الأصلية كتبت بواسطة طلال ناشي (المشاركة 1055752) صــــح الساااااااااااانك يابن عاقل هاهو ابن عاقل يالعمده من جديد صح الساااااااانك وكما قد أخبرتك من قبل ... :)

الليل وحصان اللقاء مع فارس الفرسان=كل الرصيد اللي معك يا صاحبي جيبه
ما صد عن بعض العلوم الا قصير عنــان=يسرح ويضوى في غضون الشك والريبه

صبرك يالين اننك تحمّل سيفنا شامان=ويجيك مني ربع ماقمت بمطاليبه
المتقي ما يلحقه شكه من الشيطان=نقرأ على الشيطان ثم تخزى هناديبه

المشاركة الأصلية كتبت بواسطة العازمي (المشاركة 1055770) تيربو اخر هههههه ابن عاقل والعمده صحت السنتكم والصف اذا اوشك الطاروق علمتكم <<< محتار

المشاركة الأصلية كتبت بواسطة سلطان الجـذع (المشاركة 1055788) ,,, طيب طيب ههههههههههههههههههه صحت السنتكم متااااااااااااااابع

السيف رده وسط غمده وابدع الالحان=في غير غمده ما يعرفون العرب طيبه
عامين ما جبت الخير يا هدد سليمان=غايب وحنا ننتظر والغيبه الغيبه

ماجاك غار اللي طلبته والشهود اعيان=اليا تورّطت بكلامك ليش تبديبه
عزالله انّا مانوردها بلا برهان=لكن غيرة صاحبي شبت مشاهيبه

حنا نبيع ونشتري في غالي الاثمان=والا الرخيصة مالها الا قول والخيبه
عييت يا وجه السعد لا تخلص الديان=والدار ما جملت روحك مع معازيبه

من قالها في مجلس اهل المعرفه غلطان=في وجه قايلها مثل كلن يغني به
ما ابيع واشري في بضاعة راعي الدكان=يالحضرمي دوّر زيودك وافتح العيبه

المشاركة الأصلية كتبت بواسطة معجب العتيبي (المشاركة 1055837) ابن عاقل العمده طاروق يستحق المتابعه شعر وشعر صحة الالسن

المشاركة الأصلية كتبت بواسطة عيد بن مرضي (المشاركة 1055859) الله الله المبدعين ولقاء الأبداع طاروق شعله ودخان ,,, صحت الآلسن والقلوب متابع

العلم ماهو فيك في سلعتك يا كحيلان=والناس تاطا فوق راس الداب وذنيبه
ما عندنا يا راعي العنة حوار اديان=اقرب يهودي عندنا نخطف تلابيبه

المشاركة الأصلية كتبت بواسطة العمــــــدة (المشاركة 1055882) وين مختفي يا عيد بن مرضي هلا وغلا شرفتنااااا بحضورك الغالي صح بدنك ولاهنت

المشاركة الأصلية كتبت بواسطة ابن عاقل (المشاركة 1055890) ارررررررررحب يابو مرضي الابداااااااااااع تعلمناه منك لاعدمتك صح بدنك ولاهنت على تشريفك لنا

ياعذرٍ اقبح من فعل وان كان مهما كان=هذه حملك يارعد والله لتسريبه
ان كان عندك في بلدك من اليهود انسان=بين الرجال انصحك لاتقعد تماريبه

انشدك وش قال المثل في طير ابن برمان=ياللي تبا تاكل عرب بسنون تركيبه
الليل ما يسريه غير النمر والسرحان =والا ابن عاقل عقب مسرى الليل واشيبه

المشاركة الأصلية كتبت بواسطة العمــــــدة (المشاركة 1055912) المبدع : ابن عاقل بيض الله وجهك وانا ما وراي قطرة ... وين اكمل والطاروق اخذ حقه وانت ما فيك حيلة طال عمرك صح لسانك مليون وتصبح على خير

المشاركة الأصلية كتبت بواسطة حاكم الغنامي (المشاركة 1056128) الله الله صحت الالسن والقلوووب