سلام الله على اهل المنتدى والعلم راسه فوق = على هام السحب والكل ماجوده سبب جوده
انا ماادري عن اللي لادخل فالسوق ماله سوق = عسى كلن يقدر حاجته فحدود مجهوده

هلا يامرحبا ترحيبة بالمنتدى المرموق = عسانا مع دروب الخير كلٍ يطلع سنوده
كثيرات البضايع مافرقها غير راع الذوق = يميز من تبصر والبضايع كثر موجوده

المشاركة الأصلية كتبت بواسطة الشّيباني (المشاركة 1054207) عساكم على القوة وصحت السنتكم

يدوم الك البقا يالشاعر اللي تحسن المنطوق = عتيبي والعتيبي كل ماحميت قوى عوده
انا مااقول غير الله يعين ويرزق المخلوق = يكافح فالحياه وكل ما حصل يبا عوده

يا بن مشيب تهرج والطريق يحدد الطاروق = سموم القيض تجعل كل طرقي يارد عدوده
بحول الله وتقديره جملنا مايجيه العوق = و اقول الله كريم يقهر الشيطان وجنوده

يصيح العود من ناسٍ عليها فالزمان فروق = غزو عليه ولا سلم منهم هوه ولا ذوده
نبا نكتب على الدفتر وصار الدفتر المشقوق = وغير اقلامنا ماله طعامٍ ينعش وجوده

احد يطلع زحل وحدٍ طموحه دون سوق النوق = واحد له هقوة ضخمه ولكن خانت عضوده
لعلك تظهر الدانه بعد ماتفتح الصندوق = تزول هموم ناسٍ من غثا الايام مظهوده