على منتدى الهيلا دفعني كثير الشوق=با سلم وبا اغني مع عتيبه الهيلا!!
تزين الخواطر والمعاني عليها ذوق=يا لطامت العايل وذباحت الحيلا !!

بعد جيتنا مشتاق ياطيب المنطوق = هلا مرحبا مع ريحة البن والهيلا
علوم الرجال اتوسع الخاطر المخنوق = وبعض السوالف ماوراهن محاصيلا

يدوم البقا يا ناس ياللّي نظركم فوق=نظركم على الجدي المثبت مع اسهيلا !!
لكن أنت لو انعدك امن العرب مسبوق=وش الدبره اللي تسبق الناس فالحيلا!!

عزيّز على دربك عسى مايعوقك عوق=وش اللي تسوي لحتما الحط والشيلا
انا في طريق المعرفه مركزي مرموق = وكل الصعايب قدم مثلي تساهيلا

تلد والنظر فوق السحابه وجاه ابروق=عسا تاليات انظاركم مابها عيلا !!
ليا صار كل السمن والمعسلي معلوق=تعد الليال وتنظر لمرجح الكيلا!!

لمحت البروق وقلت خير(ن) لفا مسيوق = وزاد الطمع في طيبات التماثيلا
عسى الله يجازي معجب وصاحبه مرزوق = بعد فكوا البيبان قدم المهـابيلا

لمحت البروق وشفت رعادها ملحوق=وحلّت علاك الممطره بالمخاييلا!!
أنا لو أبرّق حيد ثوبك لقيت اشقوق=ولكن عوّد عن دروب المشاكيلا!!

مخيله لها براق (ن) وخيرها ممحوق = تمر البلد وتروح ماسيلت سيلا
مادام ان باب الشر فالمنتدى مغلوق = ابا اعطيك فرصه لليال المقابيلا