مرحبا ترحيبــــةً تنقل سوالفها جهينه=من بحور المعرفة والناس تجزا من عملها
العضياني سرى ليله على ظهر السفينه=متجه للديرة اللي طال ليله ما وصلها

البقا بالشاعر اللي ما حصل بيني و بينه =غير علم الطيب و علوم الوفاء من حضّ أهلها
كلّ فرصه نغتنمها تعتبر فرصه ثمينه=النفوس الواثقات الشكّ يبطي ما دخلها

المشاركة الأصلية كتبت بواسطة علي فلاح العضياني (المشاركة 1051434) صباح الليل يا عمده البقا بالشاعر اللي ما حصل بيني و بينه =غير علم الطيب و علوم الوفاء من حضّ أهلها كلّ فرصه نغتنمها تعتبر فرصه ثمينه=النفوس الواثقات الشكّ يبطي ما دخلها

الله الله


العمده صح السااااااااااانك

علي فلاح صح لساااااااااااااانك


ومتااااابع لللنهايه

يا بعيد الشوح كيف امسيت من دون المدينه=وانت موعدها من اللي صاب اهلها تنتشلها
ما ربح من لا يشيل السيف الاملح في يمينه=من يدين القوم اكلها صح واللي معه اكلها

يا غبينه كان من عقلك تسولف يا غبينه=قبل منقود العوارف شوف لك كلمه بدلها
بالرماح العلط و لاّ بالمراهيف السنينه=ننطح القومان وجه لوجه يوم أنت تختلها

ساعد الرجال ما يغنيه لو مــــا مد عينه=يبدو ان عيون بعض الخلق تشكي من حولها
لا يضيع العمر ما بين المحاني والدفينه=الحمولة كايدة يا صاحبي وانته جملها

النفوس تحزّ فيها دمعة العين الحزينه=و انت تلبس غترتك فالليل و الصبح تغسلها
يا عتيبه علّموا عمدتكم الله لا يهينه=المنيّه ما يوقّفها ليا دارت عجلها

يا ولد عاضي كم القتلى وكم روح رهينه=العرب حاضر وماضي ما نكبها الا جهلها
الاسد من سولت نفسه يفكر في عرينه=يحرمه من ماء الحساء الصافي ومن ثمرة نخلها

قبل في سوق الغلا تنزل وش اللي فالخزينه=عملتك فـــ / موسسات النقد ما تصرف هللها
المهم يحافظ المسلم على فرضه و دينه=كل كلمه في سبيل الله مهما كان قلها

أعجبني الفتل والنقض هنا

العمده

لا يضيع العمر ما بيـن المحانـي والدفينـه***الحمولة كايدة يـا صاحبـي وانتـه جملهـا


المستشار
يا عتيبـه علّمـوا عمدتكـم الله لا يهينـه***المنيّـه مـا يوقّفهـا ليـا دارت عجلهـا

العمده
الاسد من سولت نفسـه يفكـر فـي عرينـه
يحرمه من ماء الحساء الصافي ومن ثمرة نخلها





علي فلاح
المهم يحافظ المسلم على فرضـه و دينـه
كل كلمه في سبيـل الله مهمـا كـان قلهـا



ياسلام ياسلام
لقاء العمالقه
صحت السنكم
وبيض الله وجيهكم