سلام ردية موكد حجزها بين الحجوز=ما باقي الا ربع ساعة عن زمان اقلاعها
كلً يقول الغصن ما هــو من شجركم يا عنوز=اشجاركم كل الخلايق خابرين انواعها

يامرحبا ردية ٍ تعكس مفاهيم الرموز = من بعد هذي والسفينه لاتفل اشراعها
كل الكلام اللي بلا برهان اظنه مايجوز = العلم بيّن قبل شمسك ينبلج مطلاعها

الفرق بين اللي خسر عمره وبين اللي يفوز =واضح واذاعة لندن اعلن بالخبر مذياعها
لا والله الا ضاع حلمك فالوصول وفالبروز=شدتك بقعاء يا وسيع المعرفة بذراعها

ماقول غير الله حسبي منك ياذيك العجوز = بعض العرب توّي بخصت اخلاقها واطباعها
ترى الحقيقه مثل عين الشمس والرقم محجوز = لو اكثر العتبان في دربي تمد اكراعها

لو نبرم المسمار بالسكروب يمكنه يبوز=وأظن ركاب الاصيلة لو نحده باعها
قول القناعة كنز لكن وين راعين الكنوز=في دورها والا الفقارى ما جهلت اوضاعها

ماباعها الا رجل في ذاته وفالدين مهزوز = وانته معك نيه عجز وقتك يشيل اقناعها
اغلب بعارين العرب فيها جرب مدري نحوز = اليا مشت درب السنع ترجع على مرباعها

المشاركة الأصلية كتبت بواسطة عقاب العنزي (المشاركة 1050114) طيب طيب ماباعها الا رجل في ذاته وفالدين مهزوز = وانته معك نيه عجز وقتك يشيل اقناعها

قيس المسافة بين نجد وبين ضلعان الدروز =ثم ارجع اضرب سالفتك .. اخماسها وارباعها
حن الونيت ولا تهقوى تلحق اصحاب البنوز=المد ماهو مدها والصاع ماهو صاعها

اخطر سلوك الكهربا يااصحابنا سلك الفيوز = حسبي على بعض المذاهب والديّر واتباعها
حنا مواترنا تساوت فالبواجي والقزوز = الفرق اظنه فالقياده وبفنون ابداعها

قدامك التيار عالي لو من الطنخة تنوز=يبا يدفك وسط بيرً مانت لاقي قاعها
تقدر تفلي كلما اونست المجاعة فالخبوز=لكن ما تبلغ نجوم الكون في مطلاعها