سلام الله عليكم والعلوم اكثار يا العتبان = على عز ومعزه والنشاما ما جهلناها
ليامني لقيت الشاعر اللي يحضر الميدان = ابا علمه في علم الرجال اللي عرفناها

هلا بك يالبريكي مرحبا بك داخل الأوطان=ولاجونا ضيوف العز لازم نكرم لحاها
علومك طيبة وابضاعتك في داخل الدكان=ومن قدّم علوم الطيب قدم الناس يلقاها

المشاركة الأصلية كتبت بواسطة فهد علي العازمي (المشاركة 1049877) هلابك واستلم يالغااالي هلا بك يالبريكي مرحبا بك داخل الأوطان=ولاجونا ضيوف العز لازم نكرم لحاها علومك طيبة وابضاعتك في داخل الدكان=ومن قدّم علوم الطيب قدم الناس يلقاها

يدوم ابك البقى يا الشاعر الطيب رفيع الشان =رجالٍ مثلكم نفرح ليامنا لقيناها
الا يا العازمي اعرف عتيبه واعرف العطوان = اميزها من اولها واميزها من اتلاها

تراكم ما عليكم زود وايضا مالحق نقصان=وهذي كلمتن ياطيبها ياطيب مبداها
والا يا اهل الشمال انتم بعد طقيتوا البيبان=لزوم إن الدلال تفوح والضيف يتقهواها

المشاركة الأصلية كتبت بواسطة ربح السبيعي (المشاركة 1049886) مرحبابك يالبريكي وصح لسانك على هالمبداء المتميز وصح لسان فهد العازمي على الرد الوافي

المشاركة الأصلية كتبت بواسطة فهد علي العازمي (المشاركة 1049897) تراكم ما عليكم زود وايضا مالحق نقصان=وهذي كلمتن ياطيبها ياطيب مبداها والا يا اهل الشمال انتم بعد طقيتوا البيبان=لزوم إن الدلال تفوح والضيف يتقهواها

حكايت ليله وليله بعدها كان يا ماكان = سمعنا عنها واليوم يا الطيب قريناها
نعز الضيف ونزبن الدخيل ونقعم العدوان = واضنك تعرف علوم العرب واللي بعد جاها

حكاية ليلية وليلة تسولفها مع الورعان=أنا ما أعرف سوالفها ولا ادري وشهو اقصاها
أنا ماقلت فيك قصور والوزنة على الميزان=ولا كل آدمي لا شمّر ذراعة تهقواها

ثقافه مثل ما نسمع ونعرف خاتم سليمان=ولا هو عيب والدنيا على الفطره حضرناها
انا ما قلت غير الحق والدعوى لها برهان = على حسب العوايد والسلوم اللي عرفناها

ثقافتنا على صم الرمك ومقابل الفرسان=علوم المرجلة والعز فالماقف ورثناها
صلاح انته تدل الدرب والا لاحقك نسيان= سوات اللي يبي يكْحَل عيونه لينه اعماها

اعرف يا طويل العمر لا رابح ولا خسران = تحد النفس لا كنك معودها على اقصاها
تركد لا تطير وجعبتك ما دونها جنحان = على هونك مدام ان الحقايق ما كشفناها