يارايد اللي حسب ماجانا الخبر ,, بين السما والارض في روس الجبال = ثبت قدمك احذر يزلّ ابك القدم ,, واللي عقد روس الحبال يحلّها
بين الأوايل فالليالي والأخر ,, وين انت ياريّود ماجالك مجال ؟؟ = ثنتين مكسب شاربك منها عدم ,, واللي عقد روس الحبال يحلّها

الكيرعاني واصل سطح القمر ... ماهو بحاجه للنصايح والجدال = واللي يعدّ الصدق والله ما ندم ... واللي عقد روس الحبال يحلّها
من يوم نادو للمعارك والسّطر ... حلفت ما اعاين يمين ولا شمال = والحرّ الأشقر ما يجوع من اللحم ... واللي عقد روس الحبال يحلّها

المشاركة الأصلية كتبت بواسطة سهم الليل (المشاركة 1048687) اعوذ بالله // // // الدجيما صح لسانك يامبدع كلام جميل والصف صفك ولا يهون رايد تقديري

المشاركة الأصلية كتبت بواسطة ابو فايح (المشاركة 1048690) الله الله الدجيماء مبطي ما شفناه لكن جاء والخير معه نشوف رايد ورده وماخاب من دخول التجارب لما لها من فوائد صح لسانك وصح لسان رايد مقدما

المشاركة الأصلية كتبت بواسطة ولدعساف (المشاركة 1048692) الله الله .. صح لسانك ولسان رائد الكيرعاني .. والصف دجيمـآوي :).. ,,,

في ديرة العميان ياطيب العور ,, والله واعلم ويش تخفيه الليال = قبلك شنب قحطان منّا ماسلم ,, واللي عقد روس الحبال يحلّها
انته تقوله وانت سارح من فجر ,, ناسي فطورك مشغلك طرد الريال = مامعك لابندق ولاانته محتزم ,, واللي عقد روس الحبال يحلها

حنا طلعنا فوق وانته فالحفر ... قد قيل ما شال الحمول الاّ الجمال = تعرف شنب قحطان وانتو له خدم ... واللي عقد روس الحبال يحلها
قلتو لنا حنّا ثلاثه ننتظر ... هذا اوّل التّضليل يا اصحاب الضلال = وأنـا أتلفّت ما لقيت إلاّ القزم ... واللي عقد روس الحبال يحلها

اعترف وعليك أمان الله :d

,,

على راس الجبل والشاطي المنكوب والغبه = تفنـن يازمانـي واحـذف العـيـات فــي دربــي

يسقيك يا وقت تذوق به القهر ... ما ينفعك لا مال فيه ولا عيال = والحين كثّر يالدّجيماء فاللّقم ... واللي عقد روس الحبال يحلها
خلك على موقعك يا معجب سفر ... وانا أتمشّى مع كريمين السّبال = على سلوم رجال وبهار وشحم ... واللي عقد روس الحبال يحلها

المشاركة الأصلية كتبت بواسطة ابن منور (المشاركة 1049114) هههههه هونوا على عماركم يالربع الدجيماء صح لسانك مليون و لا يكفوووون واااااصل ابداعك رايد صح لسااااك و اعتلا شانك متابع للابداع و في صف الدجيماء و لا يهون رايد

المشاركة الأصلية كتبت بواسطة نمرً المقآطي ] ’ (المشاركة 1049214) الله الله !! ، صـرآع الله يكفيناا شـركم .. أبدعتوآ .. صح لسآنك وآعتلا شآنك يالدجيما الكيرعاني لآهنت وصح لسآنك .. متآبع ، ’

المشاركة الأصلية كتبت بواسطة ابن سرحان الثبيتي (المشاركة 1049233) بيض الله وجيهكم شعار وافين "

المشاركة الأصلية كتبت بواسطة الشهراني (المشاركة 1049241) صحت السنتكم جميعا العتيبي و القحطاني واااصلوووو فلكم المتااابعه

جرّك على مرّ النهايات القدر ,, الله يانعم النهاية والمآل = ناصحك انا كم مرة بلزم الحزم ,, واللي عقد روس الحبال يحلّها
انته تمشّى بين جحدر والفهر ,, وتعدّها مكسب كبير وراس مال ؟؟ = يكفيني اني بين كاسبت النعم ,, واللي عقد روس الحبال يحلّها

ماني بقايل طول عمرك في فقر ... لكن ليا جينا ترا مالك مجال = كم خشم من وقع الشغاميم انلطم ... واللي عقد روس الحبال يحلها
أنـا أغزيكم يا حسن راس الشّهر ... ولاّ انت من قحطان يجفلك الظّلال = انا احكمكم غير ماني منحكم ... واللي عقد روس الحبال يحلها

ياطيبك يالكيرعاني

الظلم يا رجّال من طبع البشر ... ظلمت نفسك يالدجيماء والمحال = انك تبا تقنع لو انك منظلم ... واللي عقد روس الحبال يحلها
ودي أقــول لك الكلام المختصر ... ورد على الجمة طويلات الحبال = حتى نقول انك معانا تنعزم ... واللي عقد روس الحبال يحلها

المشاركة الأصلية كتبت بواسطة بدر المقاطي العتيبي (المشاركة 1049264) الله الله كالعادة ابداع مهوب غريب عليكم صحت السنتكم ولاهنت يا الدجيما على الابدااع .. تحياتي ..

المشاركة الأصلية كتبت بواسطة علي بن شبله القحطاني (المشاركة 1049322) الله الله أرررررررررررررحبوااااااااااااااا جميعااااااااااا صحت ألسنتكم والصف قحطااااااااااااااني الليل يا رااااايد الليل من غير قصور فيك يالعتيبي وااااااااااااااااااااااااااااااصلواااااااااااااااا اااا

المشاركة الأصلية كتبت بواسطة أبوسند الكيرعاني القحطاني (المشاركة 1049606) الله الله سرى الليل وأنا في صف رايـــــــــد ولايهون الدجيــــــــــماء تحياتـــــــ,,,,,,,,,,,,,,,,,,,,,,,,,ــــي

انا اشهد انك عاله وعلّة نحر ,, ماودّي أزعّلك ياوِلْدَ الحلال = لكن من هالحين اخذها واستلم ,, واللي عقد روس الحبال يحلّها
ابا اشرح الموضوع كلّه في سطر ,, ما آرد ياكود الا على عدٍّ زلال = خلّك فغيّك جعل بيتك للهدم ,, واللي عقد روس الحبال يحلّها