أن قصرت يمناي عن كل مدلـول = عقبني الفنجال فـي وسـط لابـه
وأماخذيت الطيب فردي ومدبـول = ماني طلال وفزعتي مـن عتابـه
وليا عسرني فعل تكفينـي أفعـول = ماني مصوت للردي ويـش ابابـه
أنا وسيع ابطان وحبالـى اطـول = مالى ورا الانـذال عـز ومهابـه
يلحقني الشرهات ناقص ومبـدول = وصدرت عن عد تغثرب شرابـه
يعيش به حاسد وحاقـد ومسلـول = ولياقلت وين العاقلـه قيـل مابـه
شفي أجر الصوت في مرتع الشول = مع فنتـق مافيـه غيـر الذيابـه
ومعي مسرول للمقانيص محمـول = طرح الشبك فـزاع محـد هقابـه
يفرح ليا منه لمح بالسمـا جـول = ويشهر قبل للخرب يفقـد صوابـه
لادجت به يزيل عن صدري حمول = وطرد الولع في شرعنا مرحبابـه
ونجلس بعرقوبن على حد غرمول = بعد المطر جهـا يغـازل سحابـه
هاذي طراة الروح والقايل يقـول = ورزقي على اللى كلنا عنـد بابـه

ياضيقتن باقصى ظلوعـى علـى ويـش = ازريت انا حيهـا وانـا الفكـر منـداش
تجتاحنى وتسكن بـى شويـش بشويـش = وبمـر العظيـم يحلهـا دايـم كــاش
ولابد ماتـرث علـى الفكـر تشويـش = كن الهموم اجيوش وضلوعـى انعـاش
وهـم يلطـش ثومـه القلـب تلطيـش = لاجاك مـن بعـض الاقـارب تلطـاش
ماغيـر اسلـى خاطـرى بالمطاريـش = لـون مالـى حاجتـن رحـت طـراش
وقت ن تسلطن فيـه حتـى الخفافيـش = شوفوا مجالسهم غدت طـاش ماطـاش
وبعض العرب همه يبى لقمـه العيـش = لوهو على انـذال المخاليـق معتـاش ؟
وبعـض البشـر روس بليـا عراميـش = وبعض العرب حتى ايش لو عندة اعراش
وقتك هذا حتى ايش لوصار حتى ايـش = كــل ملكـلـه بندقـيـه ورشــاش
ولولاى اطنش بعض الاشكـال تطنيـش = واخاف من كلمه بهـا يضحـك الـلاش
لاغدى كما بـن ن بمحمـاس درويـش = يـوم استـوا جـوة المناعيـر هيـاش
يالله يامنشـى الـمـزون المراهـيـش = قلـت مواردنـا ومطايانـا اعـطـاش
قل للجمال اللـى تـرازم علـى ويـش = وكثر الجيوش اللى تدرب على مااااش

ضاع الحصان وضاعو الطيبيني = وجاك الثعل واللى شبيهه من الناس
ورخصو هل الطالات علم يقيني = ودب الغلا في كل نجس وبلاس
و أهل الاشدة بالخلا ضايعيني = والبعض الاخر عند الابواب حراس !
وأهل الكرم معاد الهم معيني = قامت تحاذفهم شياطين الافلاس
والبوم واصل البوم جالةرطيني= وفي مامضى يحط في رجلةركاس
وقت يطيع الذئب فرخ الحصيني = والحر الاشقر عند قلاع الاضراس !!
وكل غدا سيف يبت الوتيني = ومنول عند المباهير حراس
واللى منول بالدمالة ثويني = لاشدو العربان بالدرب ينداس
لازم تقول الشيخ طلق اليميني != ومهما فعل ماضنتي يرفع الراس
يالله طلبتك فوقهم لاتحديني = أموت جوع ولاتودد للانجاس

ياقدس ناقصنـا طيـور أبابيـل = مـدام هـذا وضعنـا جنبيـنـا
حنا رضينا بالبقـر وألمؤاويـل = والعـز والله ماتحوشـه يدينـا
أن كان مالك من جهدنا محاصيل = يالله يالديـان تقضـى عليـنـا
مهما سكتنا زودو فوقنـا الميـل = ولاسرهم حتى بعـد مارضينـا
قامو يزيدون الفتـن والقلاقيـل = ياهيه ياحكـام النـا سنينـا !!
شعب يبـاد ولاتفيـد الاقاويـل = شعب يمـوت ولالقالـة معينـا
يافيصل ألاسلام ماعاد به حيـل = بيعت كرامتنـا وحنـا شرينـا
قد قلتها والفعل يبغـا رياجيـل = أن كان مال القدس عز أنتهينـا
في خطبة ماهيب خطبة دعابيـل = الحق واضح والمواقـف تبينـا
واليوم يامشكاي قد صابنا ويـل = مدام فيصل راح وش في يدينا !!

ياعبيد كانك بالمواجيب وفيـت = فعلك وفعـل أجـدادك الاولينـا
فعل ينومس لابرزت وتعزويت = وتعـد لامـن عـدو الغانمينـا
يابو معدى ماجلست وتواريـت = أتعبت رجلك والمواقـف تبينـا
مايوم عن واجبك ياعبيد صديت = حطيت لك في قمة المجد مينـا
من ربعة للطيب يسبقهم الصيت = غوارية من ذابحيـن السمينـا
صغيرهم تلقاة في ربعة البيـت = وكبيرهم ينسيـك مـر السنينـا
شرعت بيبانك وبالضيف هليت = عد (ن ) علية من البشر قاطنينا
وحطيت ذود يذكرة كل نعتيـت = صفر تعجز من يقول أشترينـا

مانى على درب المماديح مداح = وحــرام مرخى للمساكـــــين راسي
ولانى من اللى بالقنوات جماح = هــــذا وشكــلة سببولي مــــــاســي
الله من وقت كثر فيه نباح = والــــمشكـــلة تــلقــا تــحت الــمــداسي
سبب لة جروح وسبب لي اجراح = وعمت مصائبهم على كل ناسي
من يسمعة يقول فقر العرب راح = ولابة ضعيف يشتكى من فلاسي
وأستغفر الله لايخلقون الارواح = ويحط لة بالعرش عــدة كـــراسي
هذا ومثلة للمواجيب ذباح = يبـــغى يزين صـــورتة بــالحساســـي
ويبغى يزود للمساكين الارباح = على حساب متبعــين الـــتبــــاسي
قل للبطانة مابقى شي ينزاح = ياما شكينا والبلاء بــــــالـــــخساسي

يالـي رقصتـو مثـل ماترقـص الغـيـد = والله مـاتـحـمـوه وأن طـــــق بــابـــه
يوم الوطن ماهوب رقص وزغاريـ = ديـومــة لايـاصـكـو عـلـيــة الـذيـابــه
يـومــه لايـاصـكـو عـلـيـة الاوالــيــد = والـمــوت دون اوطـانـنــا مـانـهـابـه
ويـوم الوطـن اليـا زمـا كــل عربـيـد = نـومـت ونـحـيـا دون حـفـنـه تـرابــه
ويوم الوطن ماهـوب نـزوت مقاريـد = مخلـوق فينـا مـن عصـور الصحابـه
لاجا الفداء ضاقت على خصمنا البيد = دونـــه نـقــول الـمــوت يامرحـبـابـه
هذا وطـن حـدب السيـوف المجاريـد = وصـفـوة عـبـاد الله عــاش وربـابــه
فـي شرعـنـا عيـديـن مافـيـه تـزويـد = واللـي يثلـث عنـد ربـي حسابـه !!!!

ماغبت عني ياذرا كل بحلان = انتة معي دايم أشوفك اقبالى
أربع سنين كنها غفوه أنسان = دايم أشوفك يابعد كل غالى
أضحك وسط الجوف يثور بركان =طيفك يمر ويستقر بخيالى
كنى دخيل زابنن فوق عربان = شيخ وهم حطوة عند الحلالى
وكنى مضيع لي قبيلة مع اوطان = وكنى من التفكير والفكر خالى
وكنى ظريرا ماتهنا بمسكان = الياذكر غاليه صابه هبالى
ماغير أسيرها على كيف ماكان = من بعد أبوية ماتذوقت حالى
يالله تجازي راع الاحسان بحسان = النادر الي ماكرة بالجبالى
وياحيسفى يوم اتذكر كحيلان = أبوي راع المرجلة والمعالى
وانا احمد الله ماتحملت بهتان = وصيتن تبقى لاصغر عيالى