يابن وايل اسنونك لعب في عصبهن سوس = ليا طاب سنك يشتكي سنك الثاني
ياليتك تعيش العمر كله بدون ضروس = على شان مااضحك فيك والرب يبلاني

سنوني قويه حدها مثل حد الموس=ويشهد على مااقول دكتور الاسناني
اظن الدعاء ماهو لكم ياكبار الروس= ولاادري علام عقاب تقل يتحداني

تقوله لكن ّ اظن ينقصك بعض فلوس = فلا تستحي وارسل حساب البريطاني
بعد مانقلت العفش للطايف المانوس = اصبّر هواجيسي على قدر الامكاني

يخيل لبعض الناس تفكيره الملحوس=على انه غني لوكان فالاصل فقراني
تحت ومرة الريس يمشيك يالمريوس=من الطايف لبيشه ليا حد جيزاني

فيلدمير بوتن نكبته من رجال الروس = لكن هتلر النازي نكب شعب الالماني
حماة الوطن دون الوطن تكسب الناموس = يوم ٍ انك على دكه وشيشه وبرياني

على ماتبي ياشاعر الرجز والمنكوس= مردك تدورني ويمكن ماتلقاني
عطيتك من دروس الزمان الصعيب دروس= وهلحين تنكر طيب فعلي وتنساني !!!

انا يمكم يدفعني الشوق والهاجوس = من اعماق تقديري وشكري وعرفاني
بوسط البحر بنشدك وش يازن الدبوس ؟ = وصح الله لسانك وصح الله لساني !!

هلا مرحبا ترحيبة ٍ طيبها ملموس= ليا عدت لاوطانك ومريت فاوطاني
تعوم الخفايف فالبحر والثقال غطوس!!= لان البحر مايحتمل ثقل الاوزاني

يدوم البقا ردية ٍ نفعها محسوس = على قد ترحيبتك يالهادم الباني !!
بعد ماقتلت الحلم في وضعك الميئوس = تمنى عصا موسى وخاتم سليماني

عدود الروى تبقى لكن الرسوس رسوس=واظنك ورت العد يوم انت ضمياني
ومهما دخلك الكبر ياطاير الطاووس= حلال الكبر مادمت باسمي وعنواني