يا صاحبي والحمول اثقال واقرب تعال=ان كان كفو الحمول الليله اقرب لها
اجمالكم يا زميلي وش هي امن الجمال=وظل الشجر ما عرفنا ويش هو ظلها

جيتك ولاشك جعلك جاهزٍ للنزال = لكن صحصح وفل الطيبه فلها
عطنا علومك وحنا أعلام فوق الجبال = والشجرة اللي تروعك خلها خلها

يا مرحبا في محل(ن) محتمينه رجال=عتيبه اللي بيوت المجد تحتلها
جاتك حروفي ولا جتني ردود المقال=ما جا لبدع الحكم رد(ن) يبرهن لها

دامك ترحب وأنا راع المحل وش يقال ؟!! = يا ضيف يا مرحبا والناس بمحلها
بعض الحكم من عجب يضرب عليها مثال = وانته سوالفك جاها السيل وابتلها

لا يضرب العرق عندك هد يابن الحلال=يا جاهل في علومي دقها وجلها
الشعر ساس العرب ماهو بلعب العيال=بعض الجمل يا خوي لازم تمعن لها

ابشر بطاني وسيع الا على أهل الهبال = أنا اشهد أني بسيفي دوماً اذلها
الشعر مطعون في كبده ومعها الطحال = والقابله مثلكم ترفاه في حلها

العز والمجد فينا يالردي لا يزال=والفعل يكفي عن كثير الحكي قلها
ما شفت ذاك البعير اللي لحمله يشال=جاله في العام كبش ويبغي يشلها

المحترم يحترم والنذل تحت النعال = والمعتدي لا نويته داره احتلها
التاجر الي يدش السوق من غير مال = يا سرع ما دمعته من ناظره هلها

المشاركة الأصلية كتبت بواسطة معجب العتيبي (المشاركة 1047550) الضبياني\\\\\\\\\\\\\\ صح لسانك الاسعدي صح لسانك طاروق استمتعت بقراءته

بالمختصر يالفهد عقلك يصيبه خبال=استغفر الله لسانها قالها وزلها
ما كنت ناوي غصب لكن لازم تنال=حق(ن) من حقوقك اللي تنكتب كلها

مدام ( نكك ) ظبي وشلون ضرع الغزال = ياكم فهدٍ ليا مرته يشتلها
خزينتك فاضيه ماعاد عندك ريال = لاجيت فج الخبوت احسن لك ادفن لها