سلام منّي للخليج اليعربي واليعربي = واقصر سلامي عن بحر قزوين وجباله وماه!!
يدور دولاب الدهر ونشوف لبّاس العبي = يلبس لباس الحرب ويطش العمامه والعباه!!

يامرحبا ترحيبة معزب على ضيف اجنبي = ياخذ علوم الضيف واللي دونه يعلّم وراه
شمس الضحى فاعلى السماء مهما حصل ماتختبي = لو ان راس العازمي يندس من خلف الحصاه

الله الله


صح السااااااااانك يالعازمــــــي


طيب طيب


وصح الساااااااااان زياد مقدما

راسٍ بدون عراش يازياد الشطيطي للضبي = استقبل الجمع الرزين اللي لفا شاط الغناه!!
الخالق المعبود رب الكون ومحمد نبي = والعازمي فالصف الاول كل ماحانت صلاه!!

ياشاطي الراحه بعد جيناك بالله وش تبي = نعطيك من لول البحر ما يعجز يجيبه هواه
يالعازمي من غير قاصر خلك بظل شنبي = اسمك مابين اللي الحضر واللي ظهر ما حدٍ قراه

نظّارتك ماشافت الا هذيل وقت المغربي = ماعندنا راحه ياكود الموت عربون الحياه!!
منته بـ/ أناني لاجل تجحد مسندك من منكبي = دفّيت روحك فالبحر بايداي مع طوق النجاه!!

تقولها لو مكسبك ماهو مشابه مكسبي = انا كسبت المركز اللي مايجيلك بالمناه
ادخل على الله دام ما لك فالمحاكم مكتبي = لا عاد تهرج مع هل التوحيد ورجالٍ قضاه

رحتو مطايا بالحدايا والمطارق تشعبي = حتى تعدّيتو هضاب المهد وجبال السراه!!
الذيب يهجم في ظلام الليل مايحبي حبي = صيده يجي في حزّته مامد للمعطي يداه!!

وصلتي حياض الروى لكن بلّي وشربي = خلي هذاك اللي ماهو كاسب سوا ساعة ضماه
اليا متى واعلمك بأني وصلت لمطلبي = وانته عتيبياً ! لعين الطبع بالدعوى غواه

قدر الكبير اليا اعتلا معذور قدّامه صبي = ينثر حبوبه والتعب ماغار فادراج الرحاه!!
ضاعت حججك الواهيه يازياد وابليس يهبي = مطلبك يازياد الشطيطي مايشد الانتباه!!

كنت اعتقد في لحيتك ياعيد مايخيب اتعبي = تبغى الحقيقه فالغلط للي يبا يحفر صفاه
عشرين كيلو ( ظلم ) ماتسوالها شبر بدبي = يعني ترا كلٍ على فعله يبا يلقى جزاه

تصبح على خير يابو طلال

والشرف لي طال عمرك