|
المطيري بينكم تفضل 00 لاهنت
مسيك بالخير يالغالي 000 ودنا ناخذ محراف أذا سمح وقتك يالمطــــيري ياصحيبي سـلام الله عـلاك // بيـــن زوار المدينـة وبيـن أعيانهــا شفت حذفة جات دونك وحذفة من وراك // مابقـى إلا الثالثـة يالمطيري عانهـا |
مرحبا والله يسعد صباحك مع مساك .!! والمشاعر مانقص بالشعر ديوانها .!! الملك يمشي على الدرب وأنته وش بلاك .!! الملقف لو تجينا هجد شيطانها .!! |
الله الله صح السنتكم ياابطال والى الامام وبتوفيق لكم ،،، تقبلوا مروري المتواضع تحيتي |
صح بدنك يابندر العصيمي لين ترضى
وجودك فخر.~ |
المسيلي
والمطيري صحة الالسن متابعين |
العصيمي بندر000 هلا وغلا حظورك أعطى للمحاوره لونها الرائع
صح بدنك |
العتيبي معجب
أنرتنا بهذه الآطلاله البهيه ومتابعتك محل أعتزاز |
الخوي ثوبه قصير وفي فمه مسواك راك // مـــير قلــبه قلـب حيـــه تمـــد لسانها
بين يـــوم وليل تعرف صحيبــك من عـــداك // يوم بقعاء جات تسحب جميع أخوانها |
حياك الله يامعجب .~
وجودك فخر .~ |
شطرك الأول كسرته وهذا من غباك .!! نعرف المسلم ونعرف عما طليانها .!! بين يوم وليل لن عدتها نلعن ثواك .!! والله إن الملعبه ماتعرف ألحانها .!! |
لايجيك الشك مني شك ولا يبحث خفاك // أنتبه للكلمه اللي على ميزانها
أنــت تبنـي لك بنايه ومدري ويش جـــاك // عقب ما كملتها حولت عمـدانها |
والله إن الشك زائل ولكن ياعساك .!! ماتشيل البندق اللي خرب نيشانها .!! ودّي أرسل لك مبرمج فحل يعطيك هاك .!! وأكثر الهاكات عندي هنا ميدانها .!! |
صح لسانك يالمطيري سعدت بمجارتك
وأشكرك على تلبية الدعوه |
صح لسانك وبدنك يابو مسلي
وقبول الدعوة واجب .~ سامحنا إن كان حصل خطأ .~ تقديري .~ |
| الساعة الآن »08:58 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd