سر ياقلم وكتب جداد المكاتيب=والقاف نحه عن كلامٍ يعيبه
يافكر هات من التماثيل واجيب =الجزل هاته والردي لاتجيبه
وانا لياسقت البيوت الاصاعيب=تطيع بذن الله وتصبح وديبه
واسوقها سوق البكارالمذاهيب=في ضف شيخٍ سعد من يعتزيبه
ابدي بها في عاليات المراقيب=والشعر زاد لمن يدور ذهيبه
قم يانديبي من خيار المناديب=خطي ومكتوبي لزوم اتعديبه
روح من العارض قبل شمسه اتغيب=تغانمه قدام يدني مغيبه
انطح ديار العز دار الاصاحيب = دار البقوم اهل العلوم العجيبه
منصاك من ينصاك باحلى التراحيب=وعقالها كبشٍ كبيرن عصيبه
موفي حقوق الضيف عطب المضاريب=نفسه لضيفانه لك الله رحيبه
عاضه ولدعايض حصان الاطاليب=ريف الخوي ياسعد من ينتخيبه
وبو علي ذيبٍ ولد ذيب من ذيب=سعد سعد مافيه شكٍ وريبه
وباق النشاما مالحقهم عذاريب=وافين لو ان المواقف صعيبه
نسل الرجال اهل السيوف المحاديب= سيوف عزٍ ما انحنت للغليبه
الاد الرياحي ساترين الخراعيب=ستر العذارى والمواقف عصيبه
والطيب وفقه والمراجل تواهيب=والله وهبهم منه جزل الوهيبه
فزعاتهم تبر الجروح المعاطيب =تطيب بإذن الله ولوهي عطيبه
مني عليهم عد رمل الاداعيب=وعد النجوم الي علينا رقيبه
سلامٍ احلى من لبن شمخ النيب=في ديرةٍ قفرٍ صحاحٍ عشيبه
اقولها مالي وراهم مطاليب= مغنيني الله بين ربعي عتيبه
لاكن احب مكملين المواجيب=اهل العلوم النادرات الغريبه
ابوي وصاني على مكسب الطيب= قال اكسب الطيب وخلك صحيبه
وخوة هل النوماس خير المكاسيب =يلقى بها الرجال عزٍ وهيبه

المشاركة الأصلية كتبت بواسطة أبونايف الروقي (المشاركة 1045327) صح لســــــــــــــــانك وبيض الله وجهك وهم يستاهلون بلاشك

المشاركة الأصلية كتبت بواسطة رايدالجعيد (المشاركة 1045349) صح لسانك و بيض الله وجهك قصيدة قدح من زناد مبدع لا هنت لك خالص التقدير و المودة

المشاركة الأصلية كتبت بواسطة القلاع (المشاركة 1046388) شامااااااااااااااااااااااااااااااااااااااااااااااا اااااااااان اقف احتراماً لماقلت في قبيلة شلمخة برجالها احسدك على البيت اقولها مالي وراهم مطاليب مغنيني الله بين ربعي عتيبه

المشاركة الأصلية كتبت بواسطة فهد علي العازمي (المشاركة 1046573) صح لسااااااااااانك كفووووووووو

الله الله

صح ألساااااااااانك شامان ...


إبداااااااع بمنى الابداااااااع


البقـــــــوم يستاااااااهل وأنت كفووووو

المشاركة الأصلية كتبت بواسطة عبدالله الفهد الاسعدي (المشاركة 1045754) صح لسانك اخ شامان مبدع ماشاء الله عليك تقبل مروري

المشاركة الأصلية كتبت بواسطة طلال ناشي (المشاركة 1048175) اقولها مالي وراهم مطاليب = مغنيني الله بين ربعي عتيبه لاكن احب مكملين المواجيب = اهل العلوم النادرات الغريبه ابوي وصاني على مكسب الطيب = قال اكسب الطيب وخلك صحيبه وخوة هل النوماس خير المكاسيب = يلقى بها الرجال عزٍ وهيبه الله الله صح ألساااااااااانك شامان ... إبداااااااع بمنى الابداااااااع البقـــــــوم يستاااااااهل وأنت كفووووو