قم يالسعيدي صرّف العلم تصريف=وخلك معي مادام نادى المنادي
جاك السحاب اللي مزونه مراديف=ولاهل هماله مشى كل وادي

حنا نجيب العلم من غير تحريف = حتى معاندنا يكب العنادي !!
قامو شباب عصيم .. كلن معه سيف = يادبرة الله فالشيوخ الجدادي !!

ضاقت عليك الأرض ياحيف ياحيف=لاواحسايف يالسيوف الحدادي
مالك علينا ياهذيلي معاريف=ولاخير في بيتٍ بليا عمادي

هاذ العلوم مولّفه منك توليف = ولّف على كيفك ترى الوضع عادي !!
للعز وقت ولليالي صواديف = راح القيادي وانت منته قيادي !!

تبي تلحفها عن الناس تلحيف=وأنته ضعيف أفكار والنور بادي
انا من اللي مجدها للعرب شيف=ذباحة الحايل وسقم المعادي

ياللي تبيعون الرطب فالمغاريف = شربٍ ماهو شربي ولا الزاد زادي !!
استولو الروقه على شاطي السيف = من بعد ماهبت هبوب البرادي !!

ماعاد يوجد للبليدين توظيف=والنار ماتخر ياكود الرمادي
انا أدري إن اهذيل فيها ملاقيف=وأطيبهم اللي مايكب الدوادي

من يضبط الدلّه ومن يضبط الكيف = يامن يقنّدها بزين القنادي !!
زاد البكا من بعد لجّ الغطاريف = لاتبتسم حتى لاجات العيادي !!