سلام الله سلام يفرق الهادم من البنّاي = سلام في ذراه النّاس مرتصّه ومزحومه
إلى منّى تزاعلنا تواعدنا وسط لاهاي = والى منّا تراضينا فكلّ يعرف سلومه !!

هلا ياللي تسلم مرحبا ترحيب في مبداي = بعد ماقال رايد ودنا نكشف وش اعلومه
ليا منا تزاعلنا يبا يبلش بنا الحكاي = من اللي شاف بعيونه من النكبات في قومه

أنا يا جار شفتك تالي الأيام رايح جاي = وأنا ما ودّي ان البوم الأسود يدرج الحومه !!
أنا وش بي على فرقاك وانت اشبك على لاماي = ترا نجد العذيّة يا طويل العمر محكومه !!

ياجار انشفتني ماشي فلا تقلق على ممشاي = قوي الباس وطيور الرخم ماهيب محشومه
ترى اللي مايبا لاماي صوبه ماتسير اخطاي = وسلعه مابها ربح وعطا ماهيب مسيومه

ليا من قلت كيف الحال حذرا لا تقل زرداي = وترطن لي بكلمه يا خوي ماهي بمفهومه!!
أنا أشـوفك تقوّمني تبي تجلس على مركاي = تفاخر بالعمامه والبحر ما تعرف تعومه !!