يا حاكم إبليس لا يرميك وسط الجحيم=ترى شرار العرب فالنّار يرميبها
تلقى هل الاستقامه دربهم مستقيم=و الله يالحيتك لعطيها مواجيبها

اعوذ بالله واسمي من بليس الرجيم=واعوذ بالله من اللي جيت تعديبها
خلك مزارع طبيعي في ربوع القصيم =وان جيت طيبه مسير قول ياطيبها

الشاعر اللي بيوته ما تخصم الخصيم=قدره بقدر البيوت اللي يغنيبها
اللي يدفّك ترى يا حاكم أمّه عقيم=يفداك من لا يحسّب في عواقيبها

ميزت فيها ولاهي مثل برطم شريم=قلت احسن امرها ماكني ادريبها
ان قلت هذي غشامة فانته اكبر غشيم =ماكنك اللي قبل عامين ضاريبها

تدري ليا منّ كبدك عوّدت تستليم=ألاد عاضي عليك تمسّ اشانيبها
جاتك على الضبط مدري وقّعت فالصميم=اللي ليا إشتدّت الاعصاب تحريبها

الارض دربيل ليلي في عيون العديم =ولاد عاضي ملاوحها تواميبها
الحزن واضح وفاضح في عيون اليتيم =يصبح برمية من الرامي ويمسيبها

نايم و دايم منامك فوق ريش الظليــــــم=يوم النوادر تعشيها مخاليبها
ما تغضيَ عيونك عن المنظره من قديم=تلقى حكايه حزينه ثمّ تحكي بها

اللي تقوله ظليمٍ في بلاده مقيم =يعرف جبلها ويعرف فيضة شعيبها
عزالله انك منول عايشٍ في نعيم =ماقط شوتك السموم ولا لواهيبها

المشاركة الأصلية كتبت بواسطة محمد غازي النخيش (المشاركة 1042379) الله الله صح السنتكم متابع ولو اني لي شرهة على حاكم :)

ما هو بصادق من يقول إنّ حاكم حكيم=أسرار صدره تبين و ينكشف غيبها
من فضل ربّي بنعمه و الأمن مستديم=يوم إنّ دنياك ترمحك بعراقيبها

فرعون وبطانته مايعجزون الكليم =عصاه تسعى وزاد السعي من ريبها
ماهي عليكم جديدة ثابته من قديم =تحيون والقوم ترمينا ونرميبها