على الضلع خيل وانهمر يالمطر ودان = على شان الاصعر فاللقا ينطح العاني !!
الاصعر عضياني وشاعر من العضيان = ولن ماطلع معروف ((حظ العضياني)) .. !!

لكن الجبل مايختلف لو مهما كان=وانا معك اغني من ثقه ,,,لو تحداني
لو يغيب مستور العصيمي عن الميدان=ماقالو ترى ناصر نزل كل ميداني

أنا بشرب الفنجال من دلة الرسلان = وابى ألعب معك طربان والبال طرباني
عسى الله يطول عمر من شرف العتبان = شجيعٍ يخصم الخصم من نسل شجعاني !!

ياناصر بديت بعلم مامعك له برهان=الاول شربته عنك ,,, عوّد على الثاني
لكن في لقاه العام وصى على حمدان=ماوصى عليك ,,,يقول انا اخوي حمداني

وألا ياولد ثعلي تعوذ من الشيطان=ليا عدت الافعال ماني بخسراني
تعدد عصيم وفالنهايه من الربحان=ترى طيبهم طيبٍ لنا ياكحيلاني

ياناصر بليس ليا ذكرنا الله الرحمن=يغيب ومعه يغيب عشرين شيطاني
انا احسب حساب الاغنياء ماحسب الفقران=لكن انت لونك غني صرت فقراني

ورى خالي المرحان ما يترك المرحان = ما دام إن ماله خرج وشداد وحصاني
نشا في شقا واحفى قدم رجله الحفيان= ولا حاش من عقب التعب غال الاثماني

المشاركة الأصلية كتبت بواسطة عبدالله الاصعر (المشاركة 1041128) ناصر بيض الله وجهك ولي الشرف بمجاراتك لكن انوم داهمنا والدوام قافينا بكره انشاء الله نكمل اولنا لقى اخر احترامي وتقديري