يا عبدالله على الرحله حجزت أوكيه=مع رجالٍ تنومس من يخاويها
ترى بعض العرب ما خاب ظنّي فيه=و بعض الناس ظنّي خايبٍ فيها

توكلنا على الله والوعد نوفيه=سلوم القوم نعرفها مانخطيها
انا ماني مسمي واذهن تسميه=صقور الدار معروفه مباديها

أبو عابد من المهله نبا نعطيه=نجرّب خوّته و نشوف تاليها
سمعت إنّك طويل الدرب ما تمشيه=و غير و غير كمّ علوم نوحيها

اثرها تجربه ماقصدك تخاويه=لكنك جرب ,,,وخوتك نشريها
نصيحه لا تصدق كل ماتوحيه=ترى الفتنه مولعها مايطفيها

بعير الحرّه اللي ما اختفى طاريه=ما غير من الفشوش إليا محانيها
ترى الشيطان بعض من العرب مغويه=تشيل السمّ في داخل مخابيها

والا ياللي تشيل الحمل وتوطيه=ابا احملك امانه ماتوطيها
نعوذ بربنا من شره ونخزيه=عيال بليس ذكر الله يخزيها

المشاركة الأصلية كتبت بواسطة عبدالله الاصعر (المشاركة 1041063) والا ياللي تشيل الحمل وتوطيه=ابا احملك امانه ماتوطيها نعوذ بربنا من شره ونخزيه=عيال بليس ذكر الله يخزيها

عليك الحمل شيل الحمل يا راعيه=حمولك فوق ظهرك و انت راعيها
انا يا أخوي ما أسطي فيك مدري ليه ؟=لو إنّك تزعج أصحابي و توذيها

والا ياصاحبي ليلك سرى ساريه=حمولك ياعلي فوقي لا ترميها
مدامنك تعرف الصقر لا تشويه=بمخلابه يعشيك ويعشيها

المشاركة الأصلية كتبت بواسطة عبدالله الاصعر (المشاركة 1041090) والا ياصاحبي ليلك سرى ساريه=حمولك ياعلي فوقي لا ترميها مدامنك تعرف الصقر لا تشويه=بمخلابه يعشيك ويعشيها