ليا منّي نظرت البني لين البني عال العال = لكن المشكله وشلون ذا المبنى وذي الصوره !!
مدام إبليس في جنبك تبا تبطي على ذا الحال = تخلّص من هذا الشّيطان حتّى تصبح أسطوره !!

المشاركة الأصلية كتبت بواسطة ابوهــندي (المشاركة 1040417) صح لسانك يالقحطاني وبدى كايف

المشاركة الأصلية كتبت بواسطة النشمي (المشاركة 1040420) الله الله صح لسااااااااااااانك يارائد وصح لسااااااااااااان الشبل واكيد انه بيرجم ابليس ويصبح اسطوره هههههههههههه

وليد القوم لو يهرج مانسمع هرجته وش قال=عواصيفن تهب ونجد وقصوره هي قصوره
ابن لادن حياته فالجبل واغتال . . لا . . ماغتال=ورايد غير ابن لادن وماسواه وش دوره ؟

صحيح ان النّصيحه ذا الزمن ما تنبغى ريـال = أنا قلت الحقيقة والزّعول يصكّ ماصوره !!
ليا منك نويت تقارن العقّال بالجهّال = أبقول السّلام ورحمة الله يا راع الثّوره !!

المشاركة الأصلية كتبت بواسطة سمي الجد (المشاركة 1040480) صحت الالسن والقلوب

المشاركة الأصلية كتبت بواسطة الشهراني (المشاركة 1040559) الله الله الكيرعاني و العصيمي صحت السنتكم و الصف ما يحتاااااااااااج معرووف ؟ ؟ ؟

المشاركة الأصلية كتبت بواسطة الشهراني (المشاركة 1040564) ايه هيّن يا بو جزا صفك و صف رايد واحد على مين تلعبها

المشاركة الأصلية كتبت بواسطة راع الزلفي (المشاركة 1040568) الله الله صح لسانك يا القحطاني وصح لسان ولد العم شبل مرجحين الموازين شادين الصف

هذاه الوقت فيه الورع قام يسابق الرجال=الا يالله لطفك من صدوف الوقت وشروره
انا ماني بسامع في حكايا الصاحب المحتال=مادام ان الرجل يبدي برايه حسب منظوره

هذا وقت طغا فيه الفساد بحضرة البنقال = ياليت المملكة ما تدخل البنقال مشكوره !!
مصيرك تعرف الصّالح مصيرك تعرف البطّال = لو انّك وين ما وجّهت في يدّيك قاروره !!

المشاركة الأصلية كتبت بواسطة نداوي (المشاركة 1040593) ياسلام ياسلام صحت افكاركم متابعيين للفائدة..!!!!

سواة ازيود صنعا كلهم يبغالهم ترحال=على صنعا ترحل من ديار العز مجبوره
لو انه قبل هذي يصرف جنيهات ولا ريال=عيون الطبع فضاحه وشرهاته على زوره

أعرف اللاعب اللي قدم جمهوره يشيل الشّال = ترا نكبته ندري ما وراها غير جمهوره !!
تحسب انّ المراجل رفع صوت وطهبله وخبال = يا ليت اللّــي يدوّر للمراجل يستر العوره !!

هذاه اللاعب اللي سجل بمرماك عشر اقوال=جماهيرك سرت من سبته بالحيل مقهوره
تعلمنا وحنا اللي لقينا فوقكم مدخال=اخوك اللي على الثاني يشيل بيده باكوره

أشوفك يا شبل مشغل عباد الله بذا الجوّال = لكن صبرك وتطلع لك بعد شهرين فاتوره !!
إلى منّك نزلت أنا مكاني معتلي لا زال = ولا يمكن تزعزع لابة ما هي بمقهوره !!