توكلنا على الله والله المعبود عال الشأن=كريمٍ من دعاه ومن رجاه يحقق أماله
في كفر الشيخ يوجد شيخ دين أيقال له فهمان=ماهو مرتاح في كفره وفال الله ولا فاله

توكلنا على الله واستعنا بالله الرحمن = وعلى محمد صلواته وتسليمي على آله
كثير من المشايخ دوب جاله ذا الليال لسان = تنادوا لين صاروا في ظهور الخيل خياله

وش اللي حاصلن تال الزمن تغير الأنسان=بدل مايعبد الله يالسنافي شانت أفعاله
ترى الشيخ اللذي يفتي يورالي ضعيف أيمان=فتويه الشنيعه ضنتي ماجته من باله

انا ماني وكيل آدم على ذريته يافلان = ولا ادري وش حصل بالضبط لابو زيد وعياله
كلام اعلام والاعلام يصغي شوكة الميزان = هذاه يدبلج الصورة والاخر يكتب رسالة

ماتدري وش حصل والعالم يشاهده شوف أعيان=يقول أنا الصلاه الواجبه فالبيت والصاله
ماحـاصل دبلجه لكـنـه المـفـتـي هذه شيطان=تعليم الرساله كافربها موته أشواله

لاتدخل في سوالف مالها طاقه ولابيبان = تضيع بها وتصبح حالتك ياصاحبي حاله
ياليتك جبت لي معنىٍ سواة الزند والصوان = ترى معناك هاذا مايبيض وجه من قاله

يضيع اللي يدور للمعاصي والكريم معان=ومن لا يعمل المعروف درب الشر يسعاله
مابه عذروب في معناي ياللي تنظم القيفان=ودرب الخير من لا يسلكه لن مات ماناله

حسافة من يدور للذهب في داخل الدكان = عسى ربي يعوضنا تعبنا هاذي اللاله
سوالف مايخالف بيننا ياذيب بالمجان = وكلن عارف وضعه ومقداره ومنزاله

أكيد أن الذهب في دخل الدكان واله ازمان=نشوفه وأنته تشوفه وكلن زاره وجاله
وأخـتمـها بـخـير وخــيره الليله بعـد ماحان=نهاية قافنا وطلب والي العـرش واساله