على ظلم هبت سحب عج وعواصيف =واظن البلا حاكم نزوع بركتها !!
تمعن ياحاكم قبل فتح المضاريف = ترى الناس تعرف وجهتك من جهتها

وانا بنشدك كيف الدير شفتها كيف =وعينك رمدها مدمين حاجرتها
اثر للعرب عامين عطشاً ملاهيف =تدور عدود اجدودها مالقتها

تخالط عجاج الوقت مع لاهب الصيف = وحطتك من تحت العباه وكمتها !!
ورى عينك القشرى تهل المذاريف = بعد نارك كبدك ولعت واحرقتها !!

ضروف الزمن ماتعرف الكم والكيف =وتجبرك ياناصر وتمشي تحتها
ومن يسمعك قال الولد ساكن جنيف =ولارد شمس طحي ظل نخلتها

تبى تقنع الخاطر بعد سلة السيف = تحمل طعون السيف في شاكلتها!!
شفا نجد منزال الرجال العواريف = دواديك يابن روق ما عذربتها !!

شفا نجد حول طحي ماشيف ماشيف =هذي ديرتي ماغير رجلي وطتها
وياما رعينا فيه حم الاشاعيف =على خدها مطرق وفوق رقبتها