سلام و مرحبا جمّعتها بالود و الاكرام=هديّه للصديق اللي علينا طوّل غيابه
يبن مرضي ترى الحبحب حلاه احلى من الشمّام= و هاذي صبغة الالوان و الالوان كذّابه

يبارك فيك ياللي تعرف الأبطال والآقزام=الأول ماهوب الثاني وكلٍ يحسب حسابه
تقوله وانت لامنّك طويت تسوق فالأقدام=وتاكل لين راع المزرعه دونك قفل بابه

حسبنا حسبةٍ يمشي بها الطرقي ثلاث ايّام=ليا منّه رقى راس الجبل عينه على دابه
على طاري المزارع كيف ماتت مزرعة صدّام=بعَد ما الله بلاه بعالمٍ للحرب حرّابه

يبا يمشي واكيد إنّه / معه بندق ومعه حزام=لاكنّ الرجل عينه ماتشوف السيف ونصابه
ابعطيك الصراحه ,,, والليالي خانت الأيام=على اثره قلوب الناس صارت حيل مرتابه

على سطح القصر ناظر و شاهد كثرة الاعلام=ثلاث ارباعها يا سيّد السادات نصّابه
ترى سبّة وفاته حبحبه من حبحب الالغام=على شانه يحاول يقلب الشمّام دبابه

ترى المؤمن قوي ايمان لو كثروا هل الأفلام=وراع الحمله اللي جابها / في ظهر قلابه
وفاته كلنّا ندري ,, على شانه اسد ضرغام=لكنّك لا تسبّ القرم خل القرم فـ / ترابه

ترى ما هو غريب انّ اليهودي يدخل الاسلام=و لكن الغرابه كيف مسلم يهجر اكتابه
مع الايام تعرف ويش فرق الروس و الاقدام=و تعرف ليش شيخ القوم خلّى فتلة اشنابه

فلوس الشيخ ماتبخل / على جميعة الأيتام=هذا ياخذ طعامه ,, وفيّه منهو جدد ثيابه
سمعت القصه اللي يوم مروا , والوعد قدام=لكنّه ماتوقع يا علي , في لمة اصحابه

يتيمٍ يصرف الايتام يمكن بس ( في الاحلام )=تحلّم طال عمرك حلم بو نوّاس و اعْيَابه
يقولون المثل يا عيد طبع الآدمي عوّام=يبا ينسى هوا الاصحاب لا منّه لقى احبابه

انا قد قلت لك راسك يعيش فـ / قالب الأوهام=وهذه خلتك مثل الذي مايحكم اعصابه
لو أنّ الحكم بيديّنك ختمت الحكم بـ / الأبهام=وقتلت الشيخ والعالم تصلي عند محرابه

على بيض الصحايف ما نويت اكسّر الاقلام=لكنّ الوقت الاقشر ويش اسوّي كشّر انيابه
ليا منّك عرفت السر في الانفال و الانعام=عرفت ان اليهود ايهود نهّابه و غصّابه

ترى مكه شريفه لا تروح تسافر الدمام=يقوله واحدٍ يعرف جبال الكون وهضابه
ولد شهران عينه فالبنيّه بنت ابو عرام=وليته يعرف من القوم قبله , ناس خطابه