شاعر ذوي زراق حاجز للسفر حجز إنتظار=كم واحدٍ شرواه ما يضمن ركوب الطايره
حصل على ربع النتيجه في نهار الاختبار=10 درجات و حولها بالخطّ الاحمر دايره

اللي سمعك يقول عانه سابقه على المطار = وانته ماغير امقابل الضلع الحمر واتدايره !!
شمس الحقيقه ماحجبها شي في وضح النهار= كم من دميّ ٍ لاحضرنا فالمواقف فايره !!

حنّا غزينا القوم يا محمد على قحص المهار=و انته يا بو مالك تبا المغزى و رجلك حايره
الله يذكرك الشهاده في نهار الإحتضار=إن وجّهت لك بكره خشوم السلاح الثايره

انتم ونعم ارجال مير اعلومكم دايم كبار = مايصحي الرجال منكم لين يصدم عايره !!
اسلاحكم على العدى ياربعنا ماقطّ ثار = والله يعين اللي تحمّله بحمله جايره !!

حنّا غزينا القوم يا محمد على قحص المهار=و انته يا بو مالك تبا المغزى و رجلك حايره

انتم ونعم ارجال مير اعلومكم دايم كبار = مايصحي الرجال منكم لين يصدم عايره !!

إفعولنا ما تختفي و علومنا دايم قرار=يوم إنّ ابو مالك علومه للفعول مغايره
إليا بغيت الراي حاول تستشير المستشار=لا تجلب لسوق الغلا سلعه رخيصه بايره

إفعولنا ما تختفي و علومنا دايم قرار=يوم إنّ ابو مالك علومه للفعول مغايره
إليا بغيت الراي حاول تستشير المستشار=لا تجلب لسوق الغلا سلعه رخيصه بايره

وراك تقدح يالعضياني مثل قدح الشرار = بعض السوالف منك يارجال ماهي صايره !!
اليا بغيت اشاور ,, اشاور طويلين العمار = والسوق من بعض البضايع كاثره خسايره !!

اليا بغيت اشاور ,, اشاور طويلين العمار = والسوق من بعض البضايع كاثره خسايره !!

الضلع من صفق الهبايب ما يجي فيه إنهيار=لعل بقعا بكره المغرب تجيكم زايره !!!
نبا نقدّم لك هدايا الفوز بعد الانتصار=و نواسي اللي ما كسب ما نشمته و نعايره !!!

في قمته لن كان يارجال ماشبيت نار = طاوع ضروف الوقت ياراع القصيد وسايره !!
لقيت لي مخلوق زقمه يالعتيبي زقم فار = يمكن يخلي الونش يربط موترك في وايره !!