دقيقه يا شبل مرجّحين الموازين = أبحاسبك في كلّ كلمة رديّة
مدام ان خوالك يالعصيمي قحاطين = يا ليتك تميّز ويش هاذي وذيّه

ليا صرت قدامي جري ياحمر العين=تفلسف على كيفك ونفسك رضيه
يحق لك تفخر في بناخيك ياذهين=بناخيك ابن عاصم زبون الونيه

أقول الجماعة طوّلو والشياطين = تطاول تبي تحتلّ نجد العذيّة
خسرنا على مثلك يا ماجد ملايين = لعلّك تروّي السلّة الحضرميّة

لو الامر بيدين الرجال المسمين=يقشونهم واصولهم في عشيه
انا ما اخبر لكم دين في ذمتي دين=سوا من رثعنا فيه فالجاهليه

توقع ترا الأرزاق ماهي بيومين = ترا النّاس ماهي في يدينك قليّة
على مين تلعبها يا ماجد على مين = ترانا ترانا عارفين الضّحية

بعد قامت الهيجا مابين الفريقين=خيانتك بانت للعرب في شويه
نعد الصحيح ومالكين البراهين=عتيبه تضحي في عياد الضحيه

انا ما قهرني غير ذاك ابو بطنين = كلانا ولا شفنا سوا العنجهيّة
ترانا ترانا في الملاقا قحاطين = رجال الطناخة والظفر والحميّة

لو اقول رايد غصن قالو لي غصين=صغير مايعرف سلة النافعيه
تبون الصراحه قوم مانتم رديين=رقيتوا جبالن عسره مخاطريه

انا كيف أعامل لي عباد مجانين = ليا شفتها شكرت ربّ البريّة
رقينا الجبال النايفه واحد ثنين = يوم انتو جموع وسط هضبة طميّة

انا مجللك يارايد ابا الكراعين=لكن العرب راحو سوا في نحيه
رقيتوا من الذله جموعن مساكين=وتركي ماعنده فاللقا مرحميه