سلامي وانا الشاعر وانا الفاهم الدكتور=ونا مفسر المعنى ونا مداوي العله
لقيت العرب ثلثينهم يشهدون الزور=وثلث العرب مامعه مذهب ولا مله

هلا مرحبا باللي يصرح وفيه غرور=وراع الوفاء والطيب والله ما مله
هذا شي حاصل والبلا من يغـط النور=ماهمه ولا مذهب مدامه مع الشله

يدوم البقا لو انك الشاعر المكبور =ترى علمنا مهوب هرجه على دله
ياليت النفيعي مايضوي علينا العور=يصدق لنا ويقول مغرور ماشاء الله

في طاعة واللي العرش أنا راضي ومسرور=وعلمني بعلمك وأبا دقه وجله
ترى العـور من حظ الـردي والردي معـثور=ويعيش ويموت النذل ماقد برد غله

ياليت النفيعي يستمع من خويه شور=يفقد علومه قبل لا الناس تفطن له
تقوله لكن اقول يالشاعر المغمور=تقول النشاما الموت نرضى ولا الذله

علومي علوم الطيب والمنهي المامور=هو اللي يغـط النور هو علة كله
وأقول الحـقـيـقـه واضحه ماعلي قصور=أروم العلى دايم وبذن الله اصل له