هلا يالمسلم والقمر مابعد غاب = هلا مرحبا وإن جيت معك الغنيمه
حضرنا لعلك حاضر إن جاك طلاب = نريد السمينه مانريد الهليمه

عن الطيب واهل الطيب مانقفل الباب = حضرنا على عزه ونيه سليمه
لياشفت راع الحزب عده من اجناب = وحذاري تجاري من يحب الظليمه

طغاة الزمن تاقف على كل مرقاب = وتاجد لها من يحتوي بالخريمه
يقولون به مرشد وأنا اقول نصاب = ولايتبع النصاب غير البهيمه

وصح البدن يوم الكذب صاحبه خاب = وريح الندى لابد يسبقه غيمه
ولا كل ضلع تطلع بروسه ذياب = وعسى الله يثبت كل راعي حشيمه

انا اقول مشكانا على رب الارباب = عسى الله يجنبنا دروب النميمه
احد يضحك بشده واحد قاعد(ن) منصاب = واحد خوصته مافكها من بريمه