سلام الله سلام يصلفق المسجون لين يقر=على ساحة جبال الشعر والايام دواره
ابن سرحان هالليله رداراته تبا تفتر=وتبا تفتر ثم تفتر لين اتطير غباره

هلا يامرحبا وانا اعترض \ واقول ماتقدر = علاك الليل دوبه وانتظر غاره ورى غاره
انا مثل القلم وانته تحت كفي كما الدفتر = ابسجل على صفحتك علم ٍ ماتبا غاره

يدوم الك البقا ياللي ترحب والسفن تبحر=على هبوب الرياح اليا صفق بشراع بحارة
كتاب العلم مع طول الزمن يب يحفظ يقدر=ويبا يحذف قلمك أليا خلص حبره مع احباره

اشوفك كل ماطال الطريق من التعب تقصر = بعد مادق ناقوس الخطر صفارة نذاره
ليا وشوش جهاز الاتصال العيب فالمصدر = بغيتك في يمين الدرب لكن جيت فيساره

عسى ذيك البروق اللي تكاشف فالسما تمطر=بعد ماحنت رعوده عسى ماتاقف امطاره
ابن سرحان تال الوقت في نفسه يبا يغتر=يحسب انـّـه علينا يب يجي فتوّة الحاره