الليل يا شعّار و المعنى على سمّ الكبود=اللي تحاول تغرق البابور .. و الدنيا سعه
الكلمه العليا معي و العود في عين الحسود=كلمة شرف تمشي على الدستور .. و الدنيا سعه

الليل ياللي تطلب الشعار والمغزى سنود = عسا كبار القوم تلقى نور .. والدنيا سعه
الكلمه العليا معك واللي معه فكره يسود = كلمة وفا في خاطري ماادور .. والدنيا سعه

اليا سلمت امن النصارى ما سلمت امن اليهود=هاذي نصيحه و الزم الباكور .. و الدنيا سعه
المشكله وسط البلد و الّا على راس الحدود=اللي عليها دقة الخابور .. و الدنيا سعه

انا معي كرت العبور اللي عن المسلم يذود = وراع النصيحه لايمثل دور .. والدنيا سعه
مااحد طلب منكم عطا او التبذل بالجهود = المشكله بين العرب فالسور .. والدنيا سعه

الغرب وصْلَو للقمر و الشرق يا باشا رُقُود=الكرت خله للعمي و العور .. و الدنيا سعه
ترا الردي يبقى ردي للطيب و اصحابه جحود=غير انتبه واحذر من الدافور .. و الدنيا سعه

حناا زرعنا فالاصل والغرب قاطف للورود = ولقمتن ماتنفعك فالزور .. والدنيا سعه
علي ولد شهران ما برهن كلامه يا ودود = وش فيه حاافي والاراضي بور .. والدنيا سعه

الله و اكبر زرعكم معروف في وسط النفود=و الّا الجبل صعبٍ يجيه الثور .. و الدنيا سعه
البيت مبني بالوفا و الصدق له طنب و عمود=غصبٍ على المشهور و المغرور .. و الدنيا سعه

الضلع ياتيه النجم والنجم مايفرق يسود = وافهم ترى الدنيا نقاط عبور .. والدنيا سعه
حنا نقول الله يزيد الرجل من عنده بزود = والحسد ماهو طبعنا والسور .. والدنيا سعه

يا بو نجم خلك نجم و افطن ترا العالم شهود=اطلب من الله يرزقك بالحور .. و الدنيا سعه
الدوله الله يصلحك تبني مشاريع السدود=من شاان يشرب شعبها القاطور .. و الدنيا سعه

ياكثر ما شفنا ياابن شهران في الدنيا صدود = لكن من يبغا يطير يشور .. والدنيا سعه
ما حد بميت من ضما ياللي تشرع بالبنود = والما يحصل لو نروح لصور .. والدنيا سعه