الاوله سلام رديه تعم الحاضرين =والثانيه يقرب جمل والكايدات يشلها
ياعتيبه الهيلا وانا احب الرجال الطيبين=والعارفه منكم يجيني واليمين يسلها

لأوله يا مرحبا ترحيب له معنن ثمين=والثانيه جاتك ثلاث الغاز عطني حلها
جيتك نيابه عن عتيبه واضرب القاسي يلين=شيل الحمول الكايده وان ما قدرت افخلها

دام البقا والي يقلطني على سمن وسمين=له عندي التقدير والرفقه معه ماملها
الشعر ماهو بالمهايط ياعسى فالك يشين=اخذ المعرفه يالحكم مني وانا كفو لها

ادع الله المعبود ياستار ياربي تعين=وارتح تحت شجره مع لأيام ظلك ظلها
تسع الشهور امك تشلك وانت في حالك جنين=ماتدري اني ماخذ(ن) سوق المراجل كلها

انا مع اهل المعرفه والشعر لي ضلع متين=اخذ المعاني يوم جاتك يالحكم في حلها
لاتزرع الحنظل وتجني منه بقل وشوك تين=ثم تقعد تصفق وعبرات الغبون تهلها

احسب حسابك طال ليلك وانتهى حلم السنين=وانته علومك ما فرقنا دقها من جلها
الغابه الي حاضر(ن) فيها لأسد ليث العرين=قامت تناهشك الذيابه واسيوف اتسلها

عطيتك الزينه لكنك يالحكم صريت عين=وشويتك يامخطي العليا قعدت تملها
يافاطر عريمان بركتك على جال البطين =بين السباع الي تضرس لك بتبرد غلها

الزينه الي من بلادك ساقها شوق او حنين=مرت ولاكن يابليد الراس ما تفطن لها
اشويك من فوق المليله لين بيحت الكنين=اقولها لك وانت لامريت ربعك قلها

ياورع واحذر من لسانك لاتبلى المستحين =فتضيع في بحور ماتعرف كثرها من قلها
اناحشمتك كله لصورة عشير الغانمين=والكرت الاحمر جاك وانت ان كنت فطن افطن لها

ياورع واحذر مـن لسانـك لاتبلـى المستحيـن=فتضيع في بحـور ماتعـرف كثرهـا مـن قلهـا
اناحشمتـك كلـه لصـورة عشيـر الغانمـيـن=صم الشهر كامل واذا جات الفروض فصلها