ياحاكم ظلام الليل دامس ولابه نور = متى الشمس تشرق والعرب تعرف الخافي
بعد فيصل العيه اظن مابكى مستور = اثر مابقا به دمع من عقب صيّافي

وانا كيف اقدي فالظلام العيون العور =اقول الوعد قدام وتعود اخلافي
على ذمة العساس كل البلد ممطور =وديرة عقاب وقوت وسنينها عجافي

من اللي نزل واللي ركب داخل البابور = يارب استر الاجواد في سترك الضافي
على ذمتك هذي ترى منته بماجور = واذا انك رضيت الظلم قلت إلك ياكافي

رح اجلب خشاف التمر لهل الحفر والقور =ولهل الحسا لوتجلب التمر ينعافي
يكفيك من درس التجارب سنه وشهور =وتصبح على اهل صوير كاهن وعرافي

من اول اعدك من رجال ٍ تحكم الشور = واثرك الذي تلعب على كل محرافي !!
من اللي وصف شكل الكره مثل قرن الثور = يقولون شيعي يخلط الحثل بالصافي

صحيح انت شاعر بس شاعر بدون شعور =ومبدع مع الشعار في الوزن والقافي
ياليتك تعيش ليوم نفخ الملك فالسور =عشان العذاب تذوقه اشكال واصنافي

لوانك شهدت انا اعتبرها شهادة زور = فلو تترك التزوير رجال وسنافي
ليا عشت تلقى الصيت فالذاكره محفور = عسى وقتها تاقف ولو ربع ميقافي